شعر
سيد أمين
اهداء
الي البلاد التي أكلت أولادها
ياطالع الشجرة
———
ياطالع الشجرة
هات لي معاك قمرة
حليوة خمرية
عصفورة قمرية
نكشة تغنيلي
أبعد .. تنادي لى
فى ريشها أتمطي
أنام .. وأتغطي
ويا مين يدينى
واحدة علي دينى
***
ياطالع الشجرة
سقيت أنا ثمرة
بالمعلقة الصينى
شربت فناجينى
الروشة براقة
وأناروحى .. مشتاقة
تكبر واقطفها
واتمدد ف طيفها
احلم واتمنى
وإن طالت أستنى
***
ياطالع الشجرة
خدنى بلاد سحرة
ممسوس .. تراقينى
مجروح .. تداوينى
صابتنى حنية
من رمش جنية
حراقة كيف شطة
أحلي عسل مطى
ماقادر .. أسلاها
ولاقادر ..أقربها
***
يا طالع الشجرة
فين راحت .. القمرة
سكنت حدا غيرى
قال هى مش طيرى
طارت .. وأنا عطشان
للزرعة .. والبستان
وياحسرتى ف زينى
كترت دموع عينى
وف وحدتى وليلى
خلصت مناديلى
***
ياطالع الشجرة
ياصاحب الأمرا
يااللى انت مرسالى
خبرها عن حالى
قول وينها ودتنى
الضحكة وحشتنى
يمكن تحن إتعود
أم الكرم والجود
دا أنا قلبى متطيب
رقاق وحبيب
***
ياطالع الشجرة
هات لي معاك قمرة
حليوة خمرية
عصفورة قمرية
مهراية م البندر
فلاحة تتغندر
أمانة تدينى
سقاية .. تروينى
ويا خوفى تنسانى
قمرية وحشانى
راحت عليك
———
راحت عليك ياجنيه
واتمسخرت هيبتك
من بعد كنت البيه
تقلت قوى خيبتك
وماعدت تملا العين
وتحترم شيبتك
وتملى تخزى الجيب
ولاتدرى معنى العيب
لو عزنا بيك تجيب
لم طلنا حاف العيش
تافه قوى ومعيب
لو حتى فى البقشيش
***
خدعتنا فيه الحكومات
قال إيه : متين ومليح
ورغم إنو أصلا مات
بتزغطه بتصاريح
ويشيعو انو تمام
أو مية على مية
وغرقه بعد ما عام
دا الشوطة عالمية
وف سلة العملات
النقد كله انهار
..كان يعنى ف الحسابات
ممكن يساوى دولار!
***
والناس ياعينى فى نار
والظلم راق ع الراق
لم فيه طعام فى الدار
والسعر نار حراق
والمصري ليه بالذات
مكتوب عليه الجوع
وتمرمطه الحكومات
تسقيه المرار منقوع
يبقى الجميع شغال
يا ربى طول اليوم
والبيت ما فيه بطال
والعشوة تكمل نوم
***
وف شرع مين يا قانون
أنا راتبى م الجنيهات
ينفع يا دوب عربون
او رضعة للبيبهات
ف الشهر بسى اسبوع
ادور في قولة هات
وضميرى صار مجزوع
ولا نافعة فيه الجات
وأنا لسه برضو باقول
الرب قادر يحوش
يحمينى وش الفول
يدينى وش بشوش
رايح فين ؟
———
شايل حزن الدنيا بحاله
ورايح فين
فاكر نفسك تقدر تفرح
حتى يومين ؟
طيب ضهرك مكسور ياما
حتى كتافك دولا يتامى
وانت ياروحى راسم البسمة
ع الشفتين
شارب الهم .. وطافح الدم
حزنك فارد .. مابيتلم
***
فاكر نفسك تقدر تبكى
طيب ابكى
حاتشوف ضعفك
وتخاف تشكى
حتى عليك الدينا إن مالت
مش رح تحكى
قادر تبكى ؟ طيب ابكى
مش رح ينزل منك دمع
حتى إن جيت ف مرة ..
وتشكى
حيموت صوتك
من دون سمع
حتى اهاتك
قد انفاسك
عمرك ضايع غم في غم
حزنك فارد .. مابيتلم
***
قادر تهرب …
ليه مستنى ؟
رافض يعنى
تبات متهنى ؟
ولا فرحان من قولة
شد اعصابك
شوف أيه فاضل ؟!
يعني حتيأس ..
ولا تناضل ؟!
عمرك ضايع غم في غم
حزنك فارد .. مابيتلم
***
حتي في يأسك ….
أيه رح تعمل ؟
جايه الدنيا ..
عليك وبتهمل
مطعون دايما ….
جوه قليبك
حتي الفرح ..
يموت مايصيبك
قدرك تبقى ..الحرقة نصيبك
عمرك ضايع غم في غم
حزنك فارد ..مابيتلم
***
حط أحزانك
بره وطير
يمكن جرحك
فيها يطيب
ممكن تبرح
يمكن تفرح
يمكن تلقى
بجد حبيب
ربك عالم
بالمقادير
حط احزانك
بره وطير
الدنيا برد
——–
الدينا برد .. الدينا برد
عم ربيع بيسقى الورد
حمرا الوردة وعجبانى
فاحت ريحة ف بستانى
رشقت خضرة أحلامى
أوقاتى احلوت وأيامى
أنا رحت ف مرة نواديها
عجبتنى سهولها وبواديها
قعدت جنب الياسمينة
جذابة ياشجرة زينة
وفرحت ياما بلقاكى
أتارينى دايب ف هواكى
خدتينى جوة التوب الأخضر
قلتى لى حأحلى وأتنضر
سقيتينى من مرك علقم
والسقم فى صار اسقم
أتاريكى بالزوقة المنظر
والقلب متدارى ف مظهر
خداعة ومغشوش دمك
يموت حبييك ولا همك
شاربين دوانا من سمك
دا العمر حسبة ومقدر
***
الدنيا برد .. الدنيا برد
عم ربيع بيسقى الورد
حمرا الورد وعجبانى
نفسى أزرعها ف أحضاني
أسقيها خمرة من دمى
وضفيرة تطلع من كمى
أرسمها كيف ستى وأمى
تخط الفرحة من همى
وتنطقها قصاري الفل
بالبدر اللي منها يطل
جميلة يا ست الكل
محلا الحمرة فى خدك
لانا لونك ولا ف قدك
تتوه ارقامى من عدك
باردة عيونى مين قدك
ضمينى جوه الحس حرير
خلينى فيكى تملى أسير
دانا عمرى ماكنتش أطير
غير م الفرحة بوجودك
دانا نايك .. وأنا عودك
وانا الراقص علي المزامير
عدودة أزلية
——-
شارى وحبوب
وقليب بيدوب
عشاق الناس
أبو رنة نحاس
خدام الأرض
الطول والعرض
متعبعب خير
ماهو زى الطير
غاويان تصاديح
أبو وش مليح
نقار في حديد
وف قيح وصديد
لا ف عمره اهتم
ولا تاه م الهم
حالف ما يتوب
من صبر أيوب
يدفع ملايين
فل ويسامين
تزرع فدادين
أحلام بساتين
تطرح مسامير
وكلاب طوابير
***
تاجر ف الماس
وحياة الناس
سقاى الهم
متبغدد دم
ماشي بوشين
عايش بقلبين
لا يهمه أنين
ولاجايبه حنين
ماسك ف طوق
ويبص لفوق
يدوس ع الخير
وقلوب الطير
وف مكره حسيس
واطى وخسيس
بيطفى الشمس
عن بكرة وأمس
ويعلى قصور
سراق النور
يحقد ع الكون
فاض ومسكون
طمعان بجد
بلا سور ولا حد
الى العم عطية حسن
————
ريح ياجسد فى الترب همك
الدنيا غدارة .. والترب لمك
ماعدش شقى ..
ماعدش بكا ..
ولا عدش تاني يتقدح دمك
طب خدت إيه إلا الوجع ؟
طول الكفاح ليك ماشفع
م اللى انغرس فيه البدن
طحن الزمن فيك وعجن
حزمة ألم .. حزمة وجع
والقلب طيب .. واتوجع
سافر وباع دنيا البدع
ريح ياجسد فى الترب همك
ريح ياشيخ ولا يهمك
***
عاشق قلم ولهان
وهو ما بيعشقش
ورفعته عالي ما هان
وهو حاشك حش
اتارى الحبر من دمك
وياريته مابيكتبش
شايل هموم الناس
وياعينى مليان هم
تضحك ف وش الكون
والحزن جوه الدم
ومهما الزمن حيفوت
ياعطية انت العم
ريح ياجسد في النعيم
ريح ولا يهمك
كلمات متقاطعة
————
على مدد الشوف*
ممكن تقول أيه خصخصة
يادماغ تخينة معصعصة
يعنى بلاد بتنسرق
ولا لصوص .. ولا عصا
ممكن نقول أيه خصخصة
***
طب يعني أيه كلمة عرب
يعنى .. شعوب بتنضرب
ولا ديول ولا هرب
طب يعنى أيه كلمة عرب
***
حاملة الحمول محملة
بلاويها شايلة متلتلة
لصوصها آخر رتعنة
والناس حالتها منيلة
حاملة الحمول محملة
***
وواونا زينة ف الوزير
شيلها جرب تلقى زير
حرف ساقط جوه بير
حدوته ولا الفوزير
واونا زينة ف الوزير
***
حولية حدقة باللمون
مترشقة شطة وكمون
من مطابخ حاج فولى
اللى اسموه ديدبون
حولية حدقة باللمون
***
نازل لسابع أرض *
***
فاتح صدره لأى كلام
يشبة سوبر بلية تمام
خمسة فى ستة تيجى سبعين
مش محتاجة لأى علام
فاتح صدره لأى كلام
***
تحت الحيطة دوشة وزيطة
كومة نمل ونص سميطة
عربى الدولى وعربى البيتى
كل ما نفتح نلقى خريطة
تحت الحيطة دوشة وزيطة
***
حدش شاف الأنور وجدى
اللى ف رسمه أمس وغدى
واللى وجوده أصلا عندى
أكبر علة فى نكدى وهدى
حدش شاف الأنور وجدى
***
شوفتوا التعلب لما فات
أخد البطة بالسلامات
راح يغريها برقة طبعه
بس تدله على البطات
شوفتوا التعلب لما فات
***
ولا سمعتوا عن المتاعيس
اللى سعر المية رخيص
واللى اتباعوا هبة وجملة
للمرتزقة والجواسيس
ولا سمعتوا عن المتاعيس
جوابات
——-
شدد .. قرط
أوعى تفرط
كسر قيدك
تسلم إيدك
انت السيد
حدش سيدك
عمر العبد
ماينجب سادة
***
مرعوب شارد
متهاب وارد
دمك حامى
ليه صار بارد
مصرى بصوتك
راح فين سوطك
يزرع قوة
يجنى سيادة
***
لو محتار
تبقى حمار
ألف طريق
بس أنت اختار
ليه تتنبل
تعمل تنبل
تفطر خوف
تتغدى بلادة
***
شوف فين بالك
راح كيف مالك
مقطوع حيلك
قطعان حالك
دافع .. قاوم
أوعى تساوم
أزرع فاخر
تجنى ريادة
***
أنت النيل
يعنى أصيل
بس جبان
خواف وعليل
ليه تنداس
تبقى مداس
وتكون ميرى
تنزل عادة
***
افرض اسمك
فى كتاب خصمك
خلى حياتك
خطك رسمك
تبقاش تابع
ما انتاش نابع
من مجهول
ولاحاجة زيادة
على هامش اجتماع
حزب الحكومة
————
(1)
انتشار .. انكشار
ف الأزقة .. والحوارى
والمفارق .. والمطار
***
المعارضة المفترية
تحكى عن سوء النظام
عن وساطة ومحسوبية
عن بلاوى ..بالسخام
عن جحيم الشعب عايش
عن قصور وريش نعام
عن قليل بيشكى تخمة
عن كتير يموت جعان
يعنى اية : ذمتنا ماطة
عاوزة ربطة بالتمام
المعارضة عاوزة تقبض
قرش ينفع ف الزحام
لو رضينا احنا ندفع
نبقى برضو موش تمام
يكتبوا .. حدش بيقرا
ولا يفهم الكلام
(2)
انتشار .. انكشار
ف الأزقة .. والحوارى
والمفارق .. والمطار
***
البلد ناقصها ضبطة
حبة مية .. حبة نار
اقبضوا ع الشحاتين
سيسوا حتى الحمار
انت ايه؟! انت ليه؟!
أنت مسلم او يسار
البلد محتاجة خبرا
ف العياقة والخيار
موش مناهج ناصرية
موش مشايخ بالخمار
(3)
انتشار .. انكشار
ف الأزقة .. والحوارى
والمفارق .. والمطار
***
الاشاعة الشعب جايع
رغم انه فيش سعار
هو – طبعا – كيلنا طافح
بالعدد احنا كتار
إلا انه الخير زيادة
فضل خطوات الكبار
والحكيم قالها :نرشد
وجبتين وبلاش فطار
واللحوم بلاها منها
والقهاوى والسيجار
دا العبادة ف الزهادة
موش نبلبع ليل نهار
(4)
انتشار .. انكشار
ف الأزقة .. والحوارى
والمفارق. والمطار
***
ارضنا كانت امانة
فيه امانة ..وفيش امين
استفادوا من ترابها
واحنا ليها محتاجين
لما قلنا خلاص يفلسع
طمعوا فيه .. الفلاحين
احصدوا زهر المزارع
ع اللى حاصد واللى زارع
طلعوه ارهابي ضالع
اللى مارضيش بالقرار
(5)
انتشار .. انكشار
ف الأزقة .. والحوارى
والمفارق .. والمطار
***
الولاد سبوا اليهود
والحكومة والسلام
بالتظاهر ف المظاهر
والاونطة ف الكلام
قالوا نه القط ياسر
باع كوفيته واللتام
راح بنفسه للأسودة
هشكوه بجوز حمام
ختموه .. لهم الفراخى
والقضية والزمام
(6)
انتشار .. انكشار
ف الأزقة .. والحوارى
والمفارق .. والمطار
***
ياكتاكت ف الحضانة
فيش حلال ولا حرام
احنا شغلتنا السياسة
وانتو سلوتكو العلام
لاجل ما أنتو تنامو بدرى
ونبقى موش عارفين ننام
واسمعوا قولة تفكر
طرف يبنج ف العضام
ان عصيتوا الحكم جاهز
بالعراوى والكمام
وان رضيتوا السعد جيتوا
لامؤاخذة واليمام
يا مصر…
——–
يا مصر اصحى بقى
وارفعى راسك
رميانا فوق الرفوف
هو احنا موش ناسك
غطا الكبار دولارات
وغطانا ف مداسك
لو قلتى آه في يوم
مين غيرنا حراسك
ولو صرتى لينا صلاه
فين زينا ناسك
***
يامصر اصحى بقى
وحضرى كاسك
اسقى عليل حيران
بالجمر ماسك
ضمته سبع احزان
وخانه احساسك
همه يعيش مستور
وهو ده .. ماسك
***
يا مصر اصحى بقى
وهاتى كراسك
اشهدى بالحق
وقيدى نبراسك
قرى باللى دستيهم
وقولى مين داسك
وسقت عليك النبى
ماتفرطى ف ناسك
المواطن مصرى
———-
(1)
هدد .. عدد
ادفع .. سدد
فيزا ضريبة
مع السجان
***
اجمع .. اطرح
حاجة بتطرح
ذل عتاقى
وطن متهان
***
حاصد قاصد
الله الباسط
حال ع القد
البطن جعان
***
اضرب بورصة
جبانة وعرصة
شوف المصرى
سعره بكام
***
ناقصه وظيفة
لقمة شريفة
خونة بلدى
بالف لجام
***
تاه فى الشارع
ماش وسارح
عينه مكسور
ومخه شوارع
***
مشروع ناس
او نسناس
طالب العدل
مع الاحساس
***
منتوف ريشه
سودوا عيشه
الجوع قاتله
والكرباج
(2)
حاصد .. قاصد
الله الباسط
حال ع القد
البطن جعان
***
فتح مخك
ابقى عميل
انهي خلاص
شغل المخاليل
اضرب بلية
فى التهاليل
تبقى وزير
أو حتى مدير
***
وصفه بسيطة
ف المقادير
افشر حبة
العترة تسير
ركب وش
بقه كبير
ارطن .. برطم
تبقى خبير
***
قول ع الكوسة
نبت خيار
اوعى ف مرة
تبقى حمار
تركب مخ
أو حتى ضمير
***
قول ع الشعب
أبو الملايين
اتبرشم خالص
الله يعين
وان الاسطى
أبو التفانين
سهران يحسب
ف الداينين
***
قول ع اللحمة
والبروتين
شعب اتزغط
بالفيتامين
قول ع الوطن
اللى بينباع
ان الخير فيه
ولى وضاع
وان الشارى
خوجة حكيم
جاب مليون
حقنة ترميم
قول واوعى
تبطل قول
يمكن ينطق
أبو الهول
(3)
حاصد .. قاصد
الله الباسط
حال ع القد
البطن جعان
***
صالح .. طالح
أصل الاسطى
دايما فالح
مارس . غارس
برضوا الاسطى
هو الفارس
***
خلطة سلطة
جاتهم جلطة
خلوا حرامى
بلدنا الحارس
***
خلب .. هلب
عيشك قلب
اشرب دمى
عشان تتغلب
***
اسرق قوتى
خد نبوتى
خلى حياتى
تشبه موتى
***
لاجل قصورك
تملى بحورك
اضرب نورى
يضرب نورك
***
هدد عدد
ادفع .. مدد
فيزا .. ضربية
مع السجان
ياوطن
——
ياوطن خبرنا لونك
كيف نحبك .. كيف نخونك
والكحيلة اللى ف جفونك
هى زينة ولا لونك
***
ياوطن دوقنا خيرك
دا انت فينا واحنا طيرك
ليه ساقينا السم هارى
وعاطي غيرنا فضل خيرك ؟
***
ياوطن هدم سجونك
ليه حاسبنا من شجونك
ليه يضم الضلمة قلبك ؟
ليه بتدبح ف اللى يصونك ؟
***
ياوطن احنا ولادك
دمنا سايل ببابك
ليه شايلنا من حسابك ؟
فين شهامتك..فين ودادك ؟
***
ياوطن احترنا فيك
ليه بتقسى ع اللى ليك ؟
ليه بتهرب م اللى حبك ؟
واللى فاكره ليه ناسيك ؟
***
ياوطن احنا اللى ليك
وانت بينا واحنا بيك
والدموع اللى فى عيونا
هى شوقنا .. بيناديك
عارف ليه؟
——-
عارف ليه
بحبسوا صوتك
علشان مصر
بلدنا فى دمك
علشان هم
العتمة يضمك
علشان تبعد
ع المساكين
لجل يتوه النور
.. ف الطين
عارف ليه ..
ياولدى خدوك
وانت الواخد
عل الزنازين
علشان دايما
صوتك عالى
لازماً يوطا
مع الواطيين
يعنى اشمعنى
كله بيقبض
وانت الثاير
ع القابضين
وانت الباكى
لوجع الناس
ولاش يعنى
ورثت لوحدك
دم العزة
والاحساس
عارف ليه ..
ياولدى خدوك ؟
ليه ما تبعش
زى ما باعوا .
طيب ليه ..
ماتحطش واطى ؟
ياما كتير ..
امثالك ضاعوا .
طيب دارى
وراسك طاطى .
يعنى لوحدك .
وطنى ياخى .
ولا النيل ..
سقاك م المى .
طيب شوف ..
الضلمة هناك .
ف الزنزانة ..
مش حاتشوف
النيل والضى
الا الظلم ..بيستناك .
عارف ليه ..
ياولدى خدوك ؟
والله يا ولدى ..
ما عارف حاجة !!
لساك فاكر ..
لساك فاكر
ان بيعة الأمة ..
خيانة
ولاك فاكر
ان قولة الحق ..
أمانة .
تبقى ياولدى
دقة قديمة
كل افكارك
ماليهاش قيمة
جرب مرة
واحدة تشخبط
أمسك ورقة.
اكتب .. لخبط
يعنى لازما
تكتب جد .
احنا ف زمن
الوقت الضايع .
اللى يحب
الولد الصايع.
اللى بيشرب ..
دم الخلق
واللى ضميره ..
مسلوق سلق
واللى يفبرك ..
ف الاخبار .
واللي بيلبس ..
قمصان عار
واللى بيحرق
أى كرامة
حرق النار .
بس أقولك :
صوتك راجع ..
فى الجرانين .
حلم أنا شفته
وقلت .. آمين
انك طالع ..
زى الفارس .
ومعاك قلمك
هوالحارس
وانك جيت ..
هنا ف الجرنان
لساك وطنى
زى زمان
أهلا وسهلا يا ألم
———–
أهلا وسهلا يا ألم
أوراقنا خلصت شخبطة
والحبر منقوع بالأنين
من دم روح متمرطة
***
فارد جوانحك يا ألم
وأعصابنا ليك متهيئة
القلب ساقط ف الضلوع
واضلاعنا غور .. متفرقة
***
من طول مجيك عندنا
خلاص .. تعودنا عليك
لو غبت عنا جمعتين
يمكن نروح نسأل عليك !
***
أهلا وسهلا يا ألم
انهد فينا الحيل
نسينا لون النور
من كتر مشى الليل
***
أهلا يا ساكن وسطنا
تعالى خد لك قبلتين
اعصر حياتنا وجسمنا
يمكن تلاقى .. دمعتين
***
يمكن تلاقى فرحة جاية
لسه هاربة م الزمن
أو تلاقى بكوة رايحة
لسه ما قبضت تمن
***
أهلا وسهلا يا ألم
فى العب شايل أيه
ما باقى شئ ينقال
إلا وقلنا عليه
***
فنن تفانينك .. بكا
ماعادش يفرق نوح
إن كان أمل ولا ندم
إن كان فراق ولا لقا
***
معايا كوم شهادات
والبخت ليه ضايع
مع انى مش هلفوت
ولا حتى أنا صايع
***
أهلا وسهل يا ألم
العمر فى التلاتين
ما شفنا يوم بيمر
إلا بلحن حزين
***
شربنا كاس المر
وحدة وتغريبة
ولا فيها حاجة تسر
غير قاسية وغريبة
***
واحد .. لكنى اتنين
الحسرة فى الطيبة
منفى بقى لى سينن
ف اللهفة لحبيبة
***
أهلا وسهلا يا ألم
الحيرة وخدانى
عايش كان العدم
مسروق فى وجدانى
***
سؤال وردى عليه
ع العلة فى وجودى
يعنى بتفرق أيه
حياتى عن موتى ؟
***
غير روحى فى الملكوت
صاحية ومرتاحة
لا ألف مرة تموت
من فرقة لواعة
تغريدة قناوية
———
أصيل قناوى
صداح غناوى
تراب بلدنا
عشقان وغاوى
***
قصاص وشاعر
ف الحق واعر
محلاها أحلى
ينبوع مشاعر
***
علامة زارع
بوتشتى بارع
عصفور وطاير
للشمس طالع
***
فرشوطى قاضى
مبسوط وراضى
جلاب ياسكر
يا أحلى ماضى
***
حمادى شادى
وديع وهادى
غارس جمايله
على أى وادى
***
ياولد دشنا
يابوى واحشنا
والله راجل
ساكن ف ريحنا
***
قنا الرزينة
أنوار وزينة
عيشى فرحة
تبقيش حزينة
***
واسمر سمارة
فارس جسارة
علقنا صورته
على كل حارة
***
ياخال أنا من قفط
حامى تمام كالنفط
ضاحك ودمى خفيف
وما احبش التخاريف
***
نقادى خطارى
النور سكن جارى
عشش نبت اخلاص
ف قلبى وف دارى
***
واقصر بلاد تاريخ
يامدوبة التواريخ
ومتحمية بالشمس
ويامسمعة المريخ
***
بتصنعه جراجوس
بالخزف والبوص
قلت الجدع من فين
قال الجدع من قوص
***
يا ناس دى عزيزة
وحلوة ولذيذة
كفاية ارمنتى
وليا مية ميزة
***
ياعم يا أسناوى
فيك ليه أنا هاوى
ماتقوللى انت ايه
عالم ولا حاوى
حاوى مدد
——-
حاوى مدد .. حاوى مدد
احنا الأساتذة ياولد
ضالعين قوى فى المهلسة
وف كل أمور الدهلسة
وقليلنا حبة هندسة
يبقى الزيادة ف العدد
***
حاوى مدد ..حاوى مدد
احنا الأبالسة ف الشدد
أحلامنا لازم تنقضى
حتى الورق رح يتمضى
رافض سواء أو رضى
الشعب اللى فى البلد
***
حاوى مدد .. حاوى مدد
النصرة من حق الجلد
والفرخة رح تولد جمل
والقردة تتجور حمل
حتى الجروح رح تندمل
سيدنا واصل فى المدد
***
حاوى مدد .. حاوى مدد
اللعبة باقية للأبد
الكل يبرز بالنقوط
لجل ما نخط الخطوط
بالسلام مافيهاش ضغوط
بعده يتشبث وتد
***
حاوى مدد .. حاوى مدد
الأسطى بالمجد انفرد
عصر الوصاية غار جبر
وبالأونطة يصير خبر
الله يخلى الى عبر
ومد ايده بالمدد
***
حاوى مدد .. حاوى مدد
احنا الأبالسة يا ولد
اللجنة تولع تبقى نار
ولع بخور جنب البخار
الأسطى عدى الاختبار
ادعى لسيدى أبو المدد
***
حاوى مدد .. حاوى مدد
الحب ميت واتولد
شكرا يا سيدى يا محترم
يا أبو سر باتع ف الكرم
أنا جيبى قشفر وانخرم
وأنا اللى قلبى فى البلد
يا بلد
——
كل كرسى عليه حرامى
والحرامى عليه خفير
لجل يحرس حق سيده
والقيادة والوزير
والبلد صارت نهيبة
والفساد حالته رهيبة
واللى كان قيمة وهيبة
صار يدوسه ابن الامير
***
يابلد فطسانة خالص
ليه قانون فض المجالس ؟
فرد كانز .. الف كانس
والكبير ياكل الصغير
صرتى نانسى وصرتى روبى
والخراب أصبح وجوبى
واللسان يرطن خواجة
والصفير بدل النفير
***
يابلد منهوبة مالك
كنتى جنة أيه جرالك
الخراب حط فى رحالك
وانقتل فيكى الضمير
ليه قتلتى الحق بدرى
والسما ضلمة فى فجرى
والخطير أصبح هيافة
وأى هايف صار خطير
***
روشنوكى وأمركوكى
والبعاد رح يشنقوكى
وبالفضايح يفضحوكى
ويحفرولك ألف بير
صرتى غولة وكنتى زينة
صرتى سجن .. مش جنينة
صرتى خداعة ومشينة
واقترب سوء المصير
هبل
——–
أعلو هبل .. أعلو هبل
يارصيد عمالة بالهبل
ياهم كابت ع القلوب
ياحزن مدهون بالعسل
رقاص بتردح ف الخرب
ياعار مايعرفش الخجل
والحب ليك وهم وسراب
إلا بجنان أو من هبل
أعلو هبل .. أعلو هبل
يارصيد عمالة بالهبل
آمنا بيك انك فريد
حاوى تدين كل الملل
آمنا بيك فال الغراب
رمز الخيانة والذلل
بياع يبيع سعر الترب
نيلة مهبب بالهباب
مهووس مخبل بالخبل
كل الفقارى بيلعنوك
جايع ومحروم العمل
كل اللى ضاعوا ف الطريق
كل اللى مات فيه الأمل
دق البيبان
——–
دق البيبان ..
أنشر تباشير الأمل
ع النواصى والحيطان
ع اليتامى .. الحزنانين
ع الغلابة .. الشقيانين
اللى لو ماتوا ف بلدنا ..
يبقى ماتوا .. مقتولين
لما جاعوا .. لما خافوا ..
لما شالوا هموم ..تقال
لما سهروا سنين .. طوال
لما تعبوا م الحساب
لما سيف العدل .. غاب
***
دق البيبان
الكوارث جات علينا ..
لما بعنا .
لما متنا وانتحر جوانا ..
((إحنا)) .
لما صدقنا السراب
وانسرق فينا الشباب
وانطلق فينا الاجانب
كل حدب . وكل جانب
لما قدسنا السلامة ..
واندهسنا
***
دق البيبان
مهما قالوا انه رايح ..
بكرة جاى .
ينفجر عدل المحبة ..
بين شفاى .
ينكسر غبن الديابة
تترفع عنا النيابة
ينتصر صوت الحيارى
ينفتح باب المغارة
تطلع الشمس الابية ..
فوق صباى
***
دق البيبان
مهما تبقى الضلمة حالكة
قول مصير النور .. يبان
تبقى كل دروبنا سالكة
للحقيقة .. والعيان
مهما كان العزم خامد
مهما كان اليأس جامد
شعلة طافية .. بكرة تولع
تملا كل الكون .. أمان
الطاغوت
———–
الطاغوت فارد جوانحه ع البلد
حالف ليدبح أى حد يكون ولد
فى الضهر ورانا النجوم
وتملى شيلنا الهموم
وحلمنا ياما يجى يوم
باينله مات .. لما إتولد !!
وبلدنا صارت سوق خميس
المصرى فيه بخس ورخيص
طفحان فى عيشته الويل
والظلم زاد ع الكيل
ومكانه أخر الديل
لأى نطع خسيس !!
وبلدنا يا حضرات
أم أقدم الحضارات
بقيت مفيش لها لون
ولا يد مادة العون
إلا بنى صهيون ..
ودى أسخف السخافات !!
***
الطاغوت اعجوبة الفوازير
حيدلع الشقيان..ويصبصب القوارير
والكل يبات شبعان
لا جايع أو عطلان
بقراءة فى الفنجان
وطبيعى .. بالتزوير !!
وعجيبة يابلدنا يا أم العجب
تعزى الصفيح وتسبى الدهب
وجيوش الطغاة
بيحاكموا القضاة
على رفع الجباه
وعلى حسن الادب
والمصرى اللى كان جدع
اللى للذوق ابتدع
متصاب فى روحه ومبتلى
والشر حاطه .. والبلا
وطق ضهره . واتحنى
يعنى من تقل الوجع !!
***
الطاغوت جاثم والكرسى شكا
من شيل رزايا الامركة
والوريث جاى بالبارود
حالف ليمسكها اليهود
والسيرك مليان بالقرود
ضالعين تمام ف الفبركة
وافرحى يا ام البلاد
التنمية طرحت فساد
واللصوص وياالكلاب
خصخصوا حتى التراب
واشترى انتى السراب
واشفطى دم الولاد
وامسحى دمعك يا امى
خلى منديلك فى كمى
أصل خوفنا هو خوفك
حتى زادنا يبنى جوفك
بس حلمى يوم أشوفك
إن همك هو همى
المجد للطراطير
——————
المجد للطراطير
والعزة للنسوان .
اعمل عبيط يااخى
دا الكلمة فيها لومان
اتكلم ع القطايف ..
والعيشة يعنى لايف
صحى ومفيد ياخى
م الحكمة تبقى هايف .
طب حتى م الكياس
فى البعد ع السياسة
ولو سألوك عليها
ممكن تقول نجاسة
***
خلى القضية بوسى
ووراها حب لوسى
وحط ريم وداليا
فى التلاجة نوسى
وضرورى تبقى چان
سوبر مش دايتى مان
بتعاصر أى موضة
عملوها الأمريكان
واتعلم ف البطاطا
ياتبقى ع البلاطة
مطبوخة دى القضية
بكوسة وحبهان
***
اكتب ع الكلبة لاسى
وغرام الكلب جاسى
وعوايد القطة سوسو
فى طرقعة اللبان
وحكاية البت روبى
مع ابن الحاج بوبى
واسرار السهرا حمرا
بين شادى وايفان
والمجد للطراطير ..
والعزة للنسوان .
إعمل عبيط ياخى
دا الكلمة فيها لومان .
مسخرة
———-
مسخرة
احنا بقينا مسخرة
وكرامة شبعت بعترة
ساكنين كهوف الخوف
والمر حارق الجوف
وقطيعة ياما نشوف
تجار كلام وبزنسة
كنسوا الجيوب بمكنسة
الاسطوات الابهة
آخر فخامة ومنجهة
راكبين سياسة سرجها
بايعين ترابها وعرضها
وأموالها هربت م البنوك
إيشى للسباع ..إيشى للديوك
قال يعنى أيه غزوة تبوك
مسخرة ……
لما فينا الظلم داس
انشوى ف القطر ناس
تايهين ألوف مألفة
مكتوب شقاهم ف الخفا
واولاد بلدنا اتعنسوا
ضاعت سنينهم .. واتنسوا
والعيشة بقيت ولعة نار
مافيهاش براح .. حتى الغبار
السمحة أصلو مغمضة
خلوها فاضية منفضة
من دون اساس ولا غطا
مسخرة ……
دا احنا ياعين حنعيش
لو فيه رغيف .. ولا فيش
خايفين عسس .. خفافيش
حرامى ولا شاويش
والحكمة ليك يارب
خلقتنا الحرافيش
ملعونة الدبلوماسية
————————
ملعونة الدبلوماسية
وحكاية ضبط النفس
نصر الله مية المية
حيانى مش بالهمس
ولا صنف نظم عربية
معمولة لشغل الهلس
***
حزب الله البطل الصامد
مستبسل فى لبنان
والحكم العربى الخامد
متهرب م الميدان
اشهد يا تاريخنا الماجد
سجل عصر النسوان
***
ملعون الجيش العربى
لو خان العيش والملح
حزب الله البطل الوطنى
محتاج لبارود مش قمح
ولا انت تخصص مدنى
وشطارتك فينا الدبح
***
كدا برضو يا بن الكعبة
تتآمر على الاسلام
تبقى بلياتشو القعدة
وتمثل لينا افلام
بشمالك تورد سبحة
والتانية تساعد (( سام ))
***
وإش قول البهلوانات
نصر الله جاب النصر
ونضال الميكروفونات
تسلية لأهل القصر
اللى خلعوا البوريهات
واستحلوا عصرنا عصر
المعارضة اللبنانية
———————
المعارضة اللبنانية
صوت أصيل
للعروبة والمقاومة
وبدليل :
الأعادى بيعادوها
والديول
من واشنطون حتى لندن
أو سيول
والمليك المنبطح
صوته ارتفع
اللى أبدا – مرة واحدة
ما نفع
حقاش خراب
حقاش شراب
حقاش ارادة امريكية
تتصنع
المعارضة اللبنانية
صوت جميل
موش فؤاد ولا جنبلاط
ولا جعجع ولآ شخلع
ولا معول امريكانى
جاى يقلع
المعارضة اللبنانية
هى مصر
هى بغداد الحزينة
وام قصر
هى كل شعب عربى
فى أى عصر
بعد التحية
————-
إحنا الأحلام المجروحة
إحنا الأسرار المفضوحة
إحنا تراتيل العبودية
فى عصر الدنيا المفتوحة
احنا الشعوبية المقهورة
فى بلاد الله المعصورة
إحنا القولات المكتومة
ف الأصل حتى والصورة
دايسانا ياما البولوتيكا
والدبحة أفرنجى بمزيكا
والجانى نال التبريكا
من طوكيو حتى لأمريكا
وبلادى برتبة مأمورة
فى الطاعة نجيبة وأمورة
لو جينا وقلنا الحرية
رح تعصى وتهرب مذعورة
لو حنقول ..
————–
لما الضلمة علينا تطول
لما نخاف نصد الغول
يبقى حنقى عبيد علطول
***
لو ف الرعب نقوم ونمسى
لو بالجهل نظرنا يغشى
يبقى لا نعرض ولا حنطول
***
لو حنقول عايزين حرية
وإن أمريكا علينا وصية
بعنا بلدنا ومش حنول
***
أو حنقول بلادنا جعانة
أو للدم أمريكا عطشانة
يبقى حنعدم حتى الفول
***
لما شعوبنا بتكون حرة
تمحى أثار النكسة المرة
رح تتحرر مش حتزول
***
ولا رح تخضع ولا بتسلم
من إصرارها الغازى يبلم
مش حتهادن لندن وسول
***
وبإرادتنا الصلبة الميرى
ترجع أرضى ويعود خيرى
فيها ياقاتل أو مقتول
***
بالتأكيد أمريكا مدانة
شهدت كل الدنيا معانا
بوش إرهابى وماهوش صول
***
أحنا تملى يا بلدى حزانى
شدى أعدائك ع الزنزانة
لا إمبريالى ولا عزول
***
قولى تعبنا ركوع ومساومة
هزى الأرض فداء ومقاومة
م الفاو نبدأ للاناضول
***
واللى شواكى نار وحصار
موجود عندك .. خدى بالتار
أصل نضالك شئ مكفول
***
ولا تتأنى .. ولا تستنى
ما تسيبى خصمك يوم متهنى
ولا يغريكى كلام معسول
القمح المر
————-
ياقمح أمريكا المر
يانبت اليأس العربى
أبلغ بوش الجزار
عن قبح أمريكا الأبدى
عن يانكى يهوى العار
وبقايا العصر الهمجى
والصانع كل دمار
م الأرض حتى القمر
فالعربى لن ينهار
والمجد مكتوب قدرى
***
ياقمح أمريكا المر
يا سفير الجن السامى
يامظلة الاستعباد
لشعوب الجنس السامى
ارجع بلد القواد
أخبرهم عنى عصامى
والحر يموت بالجوع
ولا يمسح جوخ للوالى
ولا يمضغ خبز الخوجة
مجانا حيكون غالى
***
ياقمح أمريكا المر
وحياة الجرح الدامى
فى القدس أو بغداد
وشعوب الكون النامى
لاعمل م الدم مداد
يسطر للأرض غرامى
بقنابل الاستشهاد
وبسيف الحق الحامى
وتعيش الأرض حداد
فى البصرة زى ميامى
***
ياقمح أمريكا المر
يا علامة الذل الرسمى
ياعجينة الاستعمار
بالدم العربى المهرى
خبر راعى الابقار
عن رفض شعوبنا الفورى
لسياسة الاستحمار
وسياسة الهبش الدولى
والشاهدكام مليار
توقيع الجيل الثورى
نفس الحكاية
—————
هى حكاية ملخبطة
نفس الشقا والمرمطة
بيروت دمشق بتتفرم
والخطة واضحة مشبطة
نفس الحكاية يابلد
نفس الضحية اللى انجلد
نفس التخاذل ياعرب
نفس اللى شايل معبطة
أمريكا هاوية الشخبطة
تبنى بلاد .. وتزيل بلاد
وبإيدها معنى المقرطة
افتح جميع الأنشطة
يابو حبل دايب شعبطة
وارسم على وش السلام
أمريكا ناوية الشحططة
المشخصاتى
—————-
هلفوت هيافة بعباطة
بياع تسالى وبطاطا
مشخصاتى الكوتو موتو
المنسى عادل وعطيتو
سفير نوايا البهلوانات
بتاع يامامى وآه يابنات
إكمنو مالى الجيب بنزين
م الخوجة شيخنا الرمة متين
قال يعنى أيه ناقصين تلاقيح
صاحبنا برطع فى التصاريح
***
قدام أجانب ومراسلين
قال باينله سكران طين
صدام يمثل دور كومبارس
ف الفرقة اللى صاحبها العرص
بغداد لا راحت ولا إن جات
الديمقراطية لازمها حاجات
قال وبرطع يسلم فوه
آه يازمن النيلة .. إتفو
***
بالإذن بالع جوه سؤال
قبضت شيكل ولا ريال
والنخوة رطلها يوصل كام
ياعميل مباحث كله تمام
وسلقت فى المخ كبابى
خليتنى مجرم وارهابى
هلفوت هيافة بعباطة
بياع سياسة وبطاطا
يوم العيد
————
يا برتقال أخضر وجديد
امتى الوقفة وامتى العيد
أحلم بعالم كله سعيد
مفيهوش العبد ولا السيد
يابرتقال أخضر وجديد
امتى الفرحة تعم البر
امتى يزول من قلبى الشر
امتى يعود لى الأقصى حر
يابرتقال أخضر وجديد
الحلم العربى لسة شريد
وكل يوم المحنة تزيد
وأنا مستنى يوم العيد
معرفش ليه
—————
معرفش ليه ياشرم الشيخ
اسمك فى قلبى تقيل
وباحس إنك مش توبى
ولا شاربه مى النيل
يمكن تكونى البياعة
مع أنو كنتى الملتاعة
لحضن مصرى أصيل
ولا عشان شايلة فى عبك
خواجات تخونك ماتحبك
ولصوص نهارها الليل
معرفش ليه ياشرم الشيخ
اسمك فى قلبى تقيل
***
معرفش ليه ياعرب
بتموتوا فى الأغراب
وتخافوا كلمة أدب
وتحبوا نعق غراب
معرفش ليه بنموت
وأرواحنا مش طالعة
وكل يوم بطاغوت
وكل يوم والعة
معرفش لية غايبين
والكون بحالة حضور
على عرضنا المغصوب
م الخوجة والطرطور
يا أمة فيها العجب
والضلمة ويا النور
معرفش ليه ياعرب
بتموتوا فى الاغراب
طلع البوش علينا
——————
طلعَ البوش علينا
من نفايات الرعاع
وجبَ الموت علينا
ما دعى للشر داع
أيها الأمريكي فينا
جئت بالسم الجراع
جئت دمرت المدينة
خاسئاً يا شر داع
***
طلع البوش علينا
فنعق في الدنيا بوم
وتهاوى كل حسن
وإكتسى الصحو الغيوم
وتراجعت المشاعر
وتضخمت الهموم
تالله مولدك يا بوش
إن هو ريح مسموم
***
أمسى للثأر مزاجا
صار للقتل احتفال
حتى سحق الأكرمينا
صار من يسر النوال
وتخضب بالدماء
كل حسن أو كمال
كل فجر طل يحبو
لاحقه سوء المآل
***
طلع البوش علينا
فإختفى وجه الجمال
وإندثر صوت الحقيقة
وإرتفع صوت النعال
والتباهي بالدناءة
صار من حسن الخصال
وحينما يخطرني إسمه
يوصف بأشرِ فال
مرثية عصر السلام
———————-
قالوا انتهى عصر الغازات
بسلام مربع ف البارات
لصبايا دايرة بالكاسات
لهطة عسل على شرباتات
***
قالوا انفتح عصر انفتاح
مسرح رجال سرك النجاح
انهب قانون 00 أبج مباح
مستخرمة .. وسداح مداح
***
تاهت وغرقت ف الديون
واستكرشت كبشة بطون
والسرقة بقيت ألف لون
ولا فيها باب .. ولا كالون
***
والمصرى بقيت حالته طين
وأحلامه غارت ف الروتين
والظلم طال حتى الجنين
واللى ركع طول السنين
***
ملعونة اصلا دى الحياة
الولد شاب أيام صباه
والعدل جوه العزبة تاه
طوابير عساكر أوجباه
***
والمخ خالص خد غياب
والحكمة صارت للكلاب
جميلة خالص أو هباب
حاجة كدة من غير حساب
***
لما انتهى عصر الغارات
لاجل الوليد هاتوا المغات
ما تقولش راحت ولا جات
متباعة من عصر السادات
قمة عرب
————
قمة عرب .. خبث وجرب
وأبطال كبار فن الهرب
طلقة كلام .. عشق وغرام
ماركة سلاح أبو الخطب
مسرح ظريف .. دمه خفيف
أفلام نقاوة من عجب
***
أسيادنا فخر السلطنة
وجبال خيانة مقطرنة
كراسى زهقت م الوجوه
حاضنة كراسى من خشب
***
نجومنا جيل ماركة حكم
نعم كتيرة أو نقم
مايهمناش شغل القم
شعوب تموت أو تنضرب
***
فى نضالنا آخر بحبحة
خدع عبيطة مزهزهة
بطولات أتارى معنترة
وقلوب بتسقط ف الركوب
***
تفاكيرنا آخر عبقرة
مخاخ غريبة مكعبرة
العقل يرجع من ورا
وشه صفيح يلمع دهب
***
خليجنا باع وللا انغمس
ومحيطنا خرف وانهوس
وتاريخنا جوانا انطمس
بين الخيانة والعسس
***
واليأس عشش فى النفوس
طوابير نفاق طوابير لصوص
والإنتماء بقى للنفوس
أما الوطن .. بسمل ودوس
***
قمة عرب .. خبث وجرب
وأبطال كبار فن الهرب
طلقة كلام .. عشق وغرام
ماركة سلاح أبو الخطب
مسرح طريف .. دمه ظريف
أفلام نقاوة من عجب
لبيك يافلسطين
——————-
(1)
مفدية يافلسطين
بدل الشهيد ملايين
مزروعة بالإصرار
فى عكا وحطين
حتعودى يافلسطين
كاس الزمن دوار
حنعطرك بالدم
ونطهرك بالنار
ف القدس يافلسطين
بكرة التاريخ حيقول
نبت الأمل فى الطين
بطل يقف للغول
(2)
ولدانك يافلسطين
فخر الوطن والدين
بالطلقة أو بالنبلة
يرودا شرف القبلة
يزيلوا عار الأمة
اللى اتنكس بالغمة
يصحى ضمير مكلوم
يفجر المكتوم
يصرخ بعلو الصوت
أبدا ما أخافش الموت
واللى انسرق بالقوة
يرجعه الجبروت
(3)
لبيك يافلسطين
صرخة تشق الليل
تدبح يهود خاينين
تقطع وصال الديل
لبيك يافلسطين
يازرعة دبلانة
دمى بيروى الطين
والوردة عطشانة
محبوسة فى الزنازين
مأسورة متهانة
متباعة بالسلاطين
والسلطة خوانة
بتقلب الموازين
قوية … وجبانة
جوه الكادر
————-
جوه الكادر
منظر فاجر
عربى مآمن
صهيونى غادر
ماشى فى حاله
ولا على باله
انسان مؤمن
عفريت جاله
أب وابنه
مش من جبنه
سلخوا مهابته
فرفوا ابنه
***
خدنى ف خضنك
صرخة من ابنك
عصفور راقد
رمشة جفنك
اشخط فيهم
لا تراضيهم
خد بنادقهم
من اياديهم
أيه عايزين
منين جايين
انتو كلاب
مش أدميين
***
قلتوا ف موتى
تكتموا صوتى
اكبر بكرة
شوفوا جبروتى
كل شهيد
له ألف وليد
هبة نار
من ربى وعيد
واستشهادى
مهر جهادى
اديتوهونى
قبل ميعادى
***
صرخ الأب
لابنه وظب
الله الحارس
للكون رب
حيلى مهدود
للقوة حدود
مقتول قلبى
قتله يهود
نفسى تجود
بألف وجود
عرس الأقصى
لازمه شهود
الخواجات
————
كلب الابن .. وابن الكلب
طالع .. نازل .. قتل وسلب
***
عمال يسخط فى المساخيط
قوة غشيمة فى يد عبيط
***
ساقط .. هابط ف المراحيص
وحشى بطبعه .. وقلبه مريض
***
م الهامبورجر أعلى مقاس
لحمة طبيعى بطعم الناس
***
كل يا خواجة .. كل ياجعان
دا احنا بقينا طيور سمان
***
اضرب برقة على بيروت
ترجم كل صراخنا سكوت
***
وادبح غزة على بغداد
خلى حياتنا تملى حداد
***
ابعت فى الجواسيس للبلادنا
عشان نتفاوض على موتنا
***
طوابير باتلر ومعاه شينى
والخوجة ميتشيل وكمان زينى
***
واكتم بق الحاج عنان
أصله راجل رمة جبان
***
اضرب فينا بيد طاغوت
اضرب برضوا مش حنموت
***
احنا حتى فى موتنا رجال
مهما غرورك صال أو جال
مسحراتى الوطن
———————
اصحى يانايم .. فض نعاسك
لملم حزنك واملا حواسك
الكاوبوى جاى طالب راسك
***
الغول كابس بالسكاكين
بعيون حمرة .. الوش لعين
حالف ذُلك .. دنيا ودين
***
جنب الهندى مصيرك يؤل
جنكيز خان وخلايا مغول
حكموا لوطنك انه يزول
***
امسح جوخ أبو بوس الايد
تبقوا ايماء أو تبقوا عبيد
أى تنازل لم بيفيد
***
اصحى يانايم صحى النوم
بَعَد موتك حتعيش يوم
ارفع هامتك حرة تقوم
***
انفض خوفك من مراسيك
فين حتلاقى حبيب يواسيك
الا ايديك لو كله ناسيك
***
مد الخطوة ودق الباب
خش الغابة وربى نياب
تلقى وحوش الدنيا ذباب
***
انصر نفسك .. اصحى وقوم
حتى ان كان سكسونى غشوم
حلمك نور مكتوب له يدوم
امارة الشر
————–
شوفتو القرد بيعل ايه
لابس خوجة وعامل بيه
رح يتمعلم أو يتملعن
لما مسك السوط فى ايديه
***
كشر نابه .. وبنوابه
جاب جرذانه .. شد أصحابه
يضرب هرم الأمة العالى
لجل يهد الصرح عليه
***
أصل القرد
الخسة فى طبعه
ديل أمريكا .. كَبَر صابعه
ليه تستغرب .. ولا تتفكر
دا الدنيا القلابة .. يابية
***
كل تاريخك أيه غير زيت ؟
حتى أمريكا .. الراعية البيت؟
والدشداشة يجنب الويسكى
والفيجا والسهرة .. الاية !!
***
آه يابلاد الحبل الدايب
جبتوا لقدر الأمة مصايب
انتوا الوكسة .. وانتو النكسة
انتو نزيف النفط الخايب
***
راح تتطاولوا ع الأسياد
اللى شربوا النيل .. أمجاد
اللى ((موسى))المصرى سفيرهم
لوقدركم .. تبقوا جراد
***
انتو الذلة فى أقذر صورة
انتو رموز حكومات مأمورة
بكرة الشعب العربى يدوسكم
تصحى عباد وشعوب مقهورة
المتاهة
———
حد عارف النهاية
ولا عارف الحكاية
الخواجة الأمريكانى
جاى بيرسم دور هداية
***
لجل يشرب دم ناسى
شوه الأرض بمآسى
والحقيقة المرة جاية
يلقى جيشة ده ف مداسى
***
مهما قصفه زاد علينا
والحصار طلع عينينا
كلمة واحدةالشعب قالها
السلاح برضوا ف ايدينا
***
والمقاومة بالعراقى
ضربة حرة وحس راقى
قال هزمتوا جيش نظامى
إلا إن الشعب باقى
***
واللى يرضى بالمهانة
اللى شرع للخيانة
اللى محمى بالخواجة
يبقى فرط ف الامانة
***
الحليف للصهيونية
مجلس الحكم الرزية
العراق مهد الحضارة
مش عصابة حرامية
***
اللى يحكم مين بلدنا
إلا واحد من ولادنا
اللى شال البندقية
ع الخواجة قال جهادنا
***
وانت ياخواجة يافالح
ليه ف بلدنا ليك مصالح
وإش يهمك ف المقارط
حكمى صالح ولا طالح
***
إن ما كنت ترد ساسك
يبقى عقلك جوه رأسك
الشعوب أبدا ما تنسى
إن موتها كان فى كاسك
***
كلمة حنقولها ياخونا
ياللى طلع دين أبونا
احنا حكامنا فى عينينا
وانت رح تاخد الصابونة
جايبة ما بتاخد
—————–
المركب جايبة ما بتاخد
من كل ألوان الطيف حاضر
والمينا واسع وبياخد
والحق تعامى ومش ناضر
والغازى قنابل ومدافع
وقلوبنا من جوه معسكر
بأجسادنا صوارى بندافع
قدام عفاريت الجان الأحمر
طافحين المر ياخلق الله
مابين متجنى ومرابض
والدعم يجينا من الله
حتى لو فينا الكون قابض
والواحد فينا يتجاسر
يعطيه م القوة كيف ميه
والضربة تزول وتتحاصر
حتى لو كانت نووية
صرخة من عراق افغانى
————————–
رفضت قربى
وجريت فى بعدى
زنايا نفطك
تبيد فى شعبى
***
طب ليه ياجدى
تبيع فى ودى
لدمى تدفع
فخران بكدى
***
مهلك يا سيدى
مقطوع وريدى
جروحى تنزف
أكويها بايدى
***
لو جعت جوعى
عشت فى ضلوعى
تلاقى نارك
تحرق شموعى
***
لو دقت مرة
النكسة مرة
مية الف ديل
ولا أمة حرة
***
صاروخ يهودى
ينسف حدودى
يدبح عيالى
يلعن جدودى
***
شرعية غايبة
تملى عايبة
ملعون أبوها
خليعة سايبة
***
دا أنا شفت موتى
توه لى صوتى
ساكن نخيلى
معصور ف توتى
***
أنا شلت بايدى
أشلاء وليدى
مقتول فى قلبى
مدبوح فى عيدى
***
طب ليه يا عمى
ياللى انت دمى
امريكا تنصر
وأصل أمك أمى
البطل
——–
صدام يا صامد
يا أبو قلب جامد
ما تخافش نيتو
ولا حلف خامد
***
أملى السواقى
عزة عراقى
الغنوة عربى
واللحن راقى
***
وحصار يغور
مد الجسور
بغداد عمار
والبصرة نور
***
أكتب شهادة
لحظة ولادة
شموسة طالة
بالنور زيادة
***
والنصرة جاية
بتشيل هدية
وسكدا يرسم
اللوحة ديه
***
صدام جسارة
وأحفاد حضارة
لا عين بترمش
من ألف غارة
***
طيران تجسس
أذناب تعسس
صواريخ يورانيوم
ع النفط حسس
***
هز الكرسى
تنزل مآسى
السحنة جدة
والحشو شاسى
***
والنور حيطلع
فى كل مطلع
كرامة تصحى
بالوحدة تجمع
***
منصور يا ولدى
مشتاق لبلدى
البعث دايما
مزروع ف خلدى
الاسير
——–
قالوا إتأسر صدام
قلت الوطن مأسور
والحبس عرض الشمس
لا فيه أمل ولا نور
خلا البطل يتهان
والندل صار مأمور
والحق يا ولداه
أعزل تمام مبتور
يتأمروا الخواجات
ف بلاد مشاع بلا سور
كانت بلاد أمجاد
ف الضلمة صبحت بور
***
قالوا إتأسر صدام
أنا قلت : آيه يعنى ؟
كل الهامات خدام
والسبع ما بيحنى
لا عمره دق صاجات
ولا زامره بيغنى
ف الحق خاض عركات
لو حتى فيه يفنى
واكحل زمنا ردئ
العدل فيه ممحى
تزرع شهامة وخير
تلقى الجببان يجنى
***
قالوا إتأسر صدام
أنا قلت شفنا كتير
والعبرة ف التواريخ
يبقى الحرامى أمير
يتسجنوا الحراس
واللص يبقى خفير
واحمد عرابى زمان
ف النخوة لينا سفير
عشق الوطن رباه
ما يوطى للخنازير
كملت خانوه الأوغاد
ما استسلم إلا أسير
***
قالوا إتأسر صدام
والخونة باب عالى
حكم الغزاة إعدام
ع كريّم الوالى
وإتغلت الاشباه
واترخص الغالى
يتحكموا الاشرار
ف النفط وف مالى
لكن التاريخ بيقول
النصرة لعيالى
والدنيا دى بدور
واتشقلب أحوالى
بالأمريكانى
————-
قال حرية
ياطنط زهية
غنوة قديمة
ع الغلبان
***
بوش الأرعن
جاى يتفرعن
تربس راسه
ع الطغيان
***
إمبريالى
دم عيالى
شرب الخوجة
منه كيسان
***
يزعم أن
كان وكأنه
رؤية منامه
حقيقة تبان
***
أصل الخوجة
وف دى الهوجة
يسلم بقه
كله إيمان
***
قال ع البصرة
(فينها يا حسرة )
تزرع نووى
بيولوجى كمان
***
وكمان فشرة
تملا النشرة
بغداد بقيت
بيت شيطان
***
وإنى النونو
العبرى اليويو
عندوش نووى
عنده .. لبان
***
قال حرية
ياطنط زهية
غنوة غبية
ع الغلبان
***
بالمزيكا
لجل أمريكا
اللى يكح
حيكون كان
***
والمتحدة …
خلاص منتحرة
إسألوا يعرف
كوفى عنان
***
والشرعية ..
مش طبيعية
شنبات راجل
بالفستان
***
يعنى قدرنا
البوش قدرنا
نسوى يدوب
نعيش (خ .. يان )
***
والمدارى ..
ف جلدى دارى
دمنا عنده
صار قربان
***
واحنا الأمة
لولا الغمة
ممكن تبقى
فى أعلى كيان
***
ربك يستر
يمكن ينتر
كل الخونة
ف أى مكان
ربابيكا
——-
سجل يا تاريخ
وإحكى لجيلك
أرخ تواريخ
فش غليلك
سم وزرنيخ
مية نيلك
كوسة وبطيخ
رح يديلك
***
وأعمل تلافيح
السيرة نتنة
أبو وش قبيح
خاطف بيتنا
واحنا المجاريح
مين ينجدنا
الله موجود
ياخد بإيدنا
***
والدم السايل
.. فى البصرة
والقلب العايل
..ع النصرة
وأرواحنا معاكى
.. المتحاصرة
مدبوح بالذلة
.. وبالحسرة
***
والوالى أصله
.. مش دارى
إكمنو فى النهب
قرارى
غير عنوانى
وخد دارى
خلانى جبان
.. ومتدارى
***
عملاء أمريكا
..يافبريكا
ياجزمة قديمة
.. وربابيكا
عاملين الآبندا
.. وانتيكا
والواحدة منكم
.. كيف سيكا
***
جبتوا استعمارنا
.. بايديكم !!
وصنعتوا بنارنا
.. كراسيكم
ضيعتوا شعوبنا
..يضيعكم
الله يرحمنا
.. وياخدكم
***
وفتحتوا قنال
.. باتفاقية !!
وبلادنا قواعد
.. حربية
وطبختوا المنطق
. ملوخية
خليتوا النكسة
.. وطنية !!
***
لم شفنا منكم
. غير وكسة
بالبلدى خيانة
.. ومشاكسة
ولعبتوا ع الدم
.. منافسة
جبتوا لنا مية مليون
نكسة
***
.. عزتنا ولت
.. وإنزاحت
أشكالكم هلت
.. قوم راحت
عمايلكوا السودا
. ما إنزاعت
زكمت ضمايرنا
.. يوم فاحت
***
.. بكرة الأيام
.. حتوريكم
وبصبر شعوبنا
.. نعديكم
خطوتنا تسبق
. خطاويكم
ما تاريخنا كان
.. مليان بيكم
أغسل عارنا
————–
اغسل عارنا ياصدام
قول ع السيد والخدام
قول مين يستاهل حرية
قول مين يستاهل اعدام
قول ع الخاين بلده ودينه
الطلبانى .. مش صدام
قلّب ف دفاتر عربية
واكشف أهوال الحكام
هتلاقى المجرم والتافة
والحكمة للجهل التام
والاغا يعمل فيها راجل
والراجل فى الحبس العام
***
والله ياصدام
بالروح أنا افديك
والله ياصدام
ايمانى ثابت فيك
علشان أنت البطل
والفادى بالشهيدين
علشان عز الوطن
فضلته ع الابنين
علشان طبع العرب
ف القلب مرسوم زين
والفعل سابق القول
والصدق باين زين
والله يا صدام
ما يملا غيرك عين
***
الاسم ياصدام
جوه التاريخ محفور
خط الجميع بالعار
وأنت فيه بالنور
رغم الضلام فى الكون
رغم الشهادة الزور
وجحافل الأغوات
ومؤلهى المملوك
من شلة الطراطير
والخوجة والصعلوك
ولا هفى الدولارات
ومفكرى الشيطان
اللى خنقوا الكلام
واتفشوا كالسرطان
وبكره جاى .. حيقول
للحق بان .. سلطان
اكتم تمام
————
(1)
اكتم تمام ..
الكلمة صارت .
للحسام ..
الآربجية المحترم ..
فض الكلام
فضفض وسمع ..
كلمته ..
علا المقام
بعد الكرامة ..
ياعرب ..
بعد السلام ..
ياأهل المفاوضة
يا حريم ..
شوفتوا الهمام
شعب الخليفة المعتصم
حالف ما ايده تنكسر
حالف بسيده ينتصر
رغم الغمام
والعزة تصنع ..
بالسلاح ..
مش بالسلام
(2)
شوفتوا الفلوجة ..
الصابرة ..
أم السباع ..
الكاسرة
هزت جيوش ..
الفاجرة
رغم السخام
أدلت حديث ..
بقنبلة
والإيد قوية ..
محملة ..
عن حقى ما أرجع ..
أنملة
واعطى التمام
خاضت حروب .. لوحدها
خطت طريق .. لمجدها
عادت تباهى . لجدها
قصة غرام
والجد فيها المعتصم
للحق ثاير ..
منتقم
زارع عدالة
ومحتكم
طارح وثام
(3)
اكتم تمام
يا اللى بتبيع ..
الكلام
يا اللى شوهت الفضايل ..
ع الدوام .
اسمع نشيد ..
القنبلة
اليانكى جوه ..
المقصلة
فى المسرحية .
المهزلة
لجل السلام
ياأهل المقاومة
للأمام
ياللى كاتمين
الصريخ
يااللى حابسين ..
التاريخ
يااللى صاعدين
المريخ ..
ع الحطام
الغنوة جاية ..
معربنة
والنصرة زافة
الأزمنة
ممدوح فى كل .
الأزمنة
مسك الختام
الشخشيخة
—————-
الشخشخية
لما تشوفه تحسب صح ..
إنو الحكمة ..
ملو جبينه .
وإنو برأى الناس
جايبينه
وإنو عاقد ..
رأيه ودينه
وإنو رئيس بحق وجد
وسط جنود الخوجة ..
وإتمرع .
عبر الشاشة ..
جاى بيصرح
إنو عراق اليوم ..
بيفرح !!
والأمنية قلبت جد
لجل ما يجى الخير ..
ويعم .
حضن أمريكا ..
حنان الأم
ولا عاد عازل .
ولا عاد سد ..
الشخشيخة ..
لما تشوفه حتقول صح ..
وجه بشوش ..
يخر حياء .
لابس الغترة .
أو لا بساه ..
وايده الطاهرة ..
ما اتمدتش .
على أمول الشعب ..
الكبش .
وإنو قليبه كله عمار .
قال مش جزمة الاستعمار .
وانو يا عينى
أصله مناضل
يحظى بحب الشعب ..
الفاضل
اللى لسه ..
ما استشهدش !!
الشخشيخة ..
هو صنيع اليانكى ..
الغازى .
حتى اسمه الأول .
غازى .
اللى قايم بدور ..
منديل .
يبقى لوجه الخوجة .
بديل .
لجل ما يحمل ..
بصق الناس
من بغداد
حتى لمكناس .
فينه العيب .
والعربون كاش !
الشخشيخة …
هو موديل
العمدة الآلى .
بس ستريو .
والصوت عالى
من تفانين العبقرى
بوش
منه افرنجى ..
وبالطربوش ..
يعنى لزوم ..
سوق المساخيط
حاجة تفرح ..
أى عبيط .
موجود منه .
30 فار .
شامل كل ضليع ..
فى الكار .
اللى خلعوا توب الأمة
وقوام لبسوا ..
توب العار .
واللى رسالة الشعب ..
إليهم .
مهما الليل ..
حيطول بيهم .
حتما بكرة حيجى ..
نهار .
فى الهجاء
————-
علاوى ياسافل وقمئ
يامجرم خالص وبذئ
ياحاكم بالأجرة بلادى
ياشارب من دم ولادى
دراكولا على جنب سيادتك
رح يطلع صالح وبرئ
***
فيه حد يتاجر فى عروقه
وجراح الأمة تكون سوقه
فيه حد يروح يدبح ناسه
ولا حتى اهتزش احساسه
فيه حد يا علاوى الواطى
يعمل فى المأتم أعراسه
***
أهو إحنا الشعب الإرهابى
وكمان متسطر فى كتابى
مقتول الخاين بلا دية
ولا نرضى بامريكا وصية
رح نرهب الخونة أمثالك
للموت .. نبعتهم سفرية !!
المجد للمقاومة
—————–
المجد للى يقاوم
للى شال السلاح
للى رفض المهانة
واللى اختار الكفاح
المجد فى فلسطين
وف صيدا وفى بغداد
المجد للسايرين
وبخطوة الأجداد
المجد للكاتيوشا
ومعاه الأربچيه
المجد للى قاوم
وخد حقه بايديه
المجد للقنابل
لو تحصد الأمريكان
أو أى ندل سافل
بيركع للشيطان
الهاوى للمساومة
يبغى طوق النجاة
وسمعش ع المقاومة
أول درب الحياة
خانوك
———
خانوك من خانوا الحسين
قتلوك من قتلوا الوطن
يا تاج عزٍ فى الجبين
يجفوك من يهوى العفن
أمضيت عمرك شامخا
وغلوت فى رخص الثمن
حنت الرءوس مخافة
وسموت أنت فى المحن
ما ساءك عرى الجميع
فشرفت فى ستر الكفن
صدام.. نلت الحٌسنوات
وخلدت فى مر الزمن
**
خانوك أزلام الزمان
كالبوم جاءوا ينعبوا
جاءوك من وحى الدعارة
سحقا.. أللدعارة مذهب؟
غدروك .. ظنوا مقتلك
ولموتهم هم أقرب
فكنت للعروبة سبعها
تحمى العرين وتضرب
وصرت مجدا لها باقيا
والخزى يأويهم والغيهب
وثأرك يا شهيد هو موجع
ودمك فينا لن ينضب
**
قتلوك يا رمز الاباء
وهم عبيد وانت السيد
وتكاثروا مثل الجراد
بنار الحقد فتعربدوا
وتحدثوا بالافك عنك
والعف أنت والسؤدد
وانت العدالة.. أنت التقى
ولبوشهم هم يعبدوا
فأين العزة من بعدك ؟
وكيف العيش نترغد؟
وكيف يطيب عبير الحياة
وكيف نهنأ أو نسعد؟
**
تآمروا وتخاذلوا
ويح حكام العرب
فأى نعشٍ قد يسعك
أى لحدٍ.. أو نصب؟
أى ثأر قد يرح
من هول بركان الغضب؟
أين نبحث عن بديل
لو حتى كان من ذهب؟
فعزاءونا فيك الصمود
يا رمز باقٍ لم يغب
صدام ..أنت جميعنا
وجميعنا أنت رغب
سيد أمين
اهداء
الي البلاد التي أكلت أولادها
ياطالع الشجرة
———
ياطالع الشجرة
هات لي معاك قمرة
حليوة خمرية
عصفورة قمرية
نكشة تغنيلي
أبعد .. تنادي لى
فى ريشها أتمطي
أنام .. وأتغطي
ويا مين يدينى
واحدة علي دينى
***
ياطالع الشجرة
سقيت أنا ثمرة
بالمعلقة الصينى
شربت فناجينى
الروشة براقة
وأناروحى .. مشتاقة
تكبر واقطفها
واتمدد ف طيفها
احلم واتمنى
وإن طالت أستنى
***
ياطالع الشجرة
خدنى بلاد سحرة
ممسوس .. تراقينى
مجروح .. تداوينى
صابتنى حنية
من رمش جنية
حراقة كيف شطة
أحلي عسل مطى
ماقادر .. أسلاها
ولاقادر ..أقربها
***
يا طالع الشجرة
فين راحت .. القمرة
سكنت حدا غيرى
قال هى مش طيرى
طارت .. وأنا عطشان
للزرعة .. والبستان
وياحسرتى ف زينى
كترت دموع عينى
وف وحدتى وليلى
خلصت مناديلى
***
ياطالع الشجرة
ياصاحب الأمرا
يااللى انت مرسالى
خبرها عن حالى
قول وينها ودتنى
الضحكة وحشتنى
يمكن تحن إتعود
أم الكرم والجود
دا أنا قلبى متطيب
رقاق وحبيب
***
ياطالع الشجرة
هات لي معاك قمرة
حليوة خمرية
عصفورة قمرية
مهراية م البندر
فلاحة تتغندر
أمانة تدينى
سقاية .. تروينى
ويا خوفى تنسانى
قمرية وحشانى
راحت عليك
———
راحت عليك ياجنيه
واتمسخرت هيبتك
من بعد كنت البيه
تقلت قوى خيبتك
وماعدت تملا العين
وتحترم شيبتك
وتملى تخزى الجيب
ولاتدرى معنى العيب
لو عزنا بيك تجيب
لم طلنا حاف العيش
تافه قوى ومعيب
لو حتى فى البقشيش
***
خدعتنا فيه الحكومات
قال إيه : متين ومليح
ورغم إنو أصلا مات
بتزغطه بتصاريح
ويشيعو انو تمام
أو مية على مية
وغرقه بعد ما عام
دا الشوطة عالمية
وف سلة العملات
النقد كله انهار
..كان يعنى ف الحسابات
ممكن يساوى دولار!
***
والناس ياعينى فى نار
والظلم راق ع الراق
لم فيه طعام فى الدار
والسعر نار حراق
والمصري ليه بالذات
مكتوب عليه الجوع
وتمرمطه الحكومات
تسقيه المرار منقوع
يبقى الجميع شغال
يا ربى طول اليوم
والبيت ما فيه بطال
والعشوة تكمل نوم
***
وف شرع مين يا قانون
أنا راتبى م الجنيهات
ينفع يا دوب عربون
او رضعة للبيبهات
ف الشهر بسى اسبوع
ادور في قولة هات
وضميرى صار مجزوع
ولا نافعة فيه الجات
وأنا لسه برضو باقول
الرب قادر يحوش
يحمينى وش الفول
يدينى وش بشوش
رايح فين ؟
———
شايل حزن الدنيا بحاله
ورايح فين
فاكر نفسك تقدر تفرح
حتى يومين ؟
طيب ضهرك مكسور ياما
حتى كتافك دولا يتامى
وانت ياروحى راسم البسمة
ع الشفتين
شارب الهم .. وطافح الدم
حزنك فارد .. مابيتلم
***
فاكر نفسك تقدر تبكى
طيب ابكى
حاتشوف ضعفك
وتخاف تشكى
حتى عليك الدينا إن مالت
مش رح تحكى
قادر تبكى ؟ طيب ابكى
مش رح ينزل منك دمع
حتى إن جيت ف مرة ..
وتشكى
حيموت صوتك
من دون سمع
حتى اهاتك
قد انفاسك
عمرك ضايع غم في غم
حزنك فارد .. مابيتلم
***
قادر تهرب …
ليه مستنى ؟
رافض يعنى
تبات متهنى ؟
ولا فرحان من قولة
شد اعصابك
شوف أيه فاضل ؟!
يعني حتيأس ..
ولا تناضل ؟!
عمرك ضايع غم في غم
حزنك فارد .. مابيتلم
***
حتي في يأسك ….
أيه رح تعمل ؟
جايه الدنيا ..
عليك وبتهمل
مطعون دايما ….
جوه قليبك
حتي الفرح ..
يموت مايصيبك
قدرك تبقى ..الحرقة نصيبك
عمرك ضايع غم في غم
حزنك فارد ..مابيتلم
***
حط أحزانك
بره وطير
يمكن جرحك
فيها يطيب
ممكن تبرح
يمكن تفرح
يمكن تلقى
بجد حبيب
ربك عالم
بالمقادير
حط احزانك
بره وطير
الدنيا برد
——–
الدينا برد .. الدينا برد
عم ربيع بيسقى الورد
حمرا الوردة وعجبانى
فاحت ريحة ف بستانى
رشقت خضرة أحلامى
أوقاتى احلوت وأيامى
أنا رحت ف مرة نواديها
عجبتنى سهولها وبواديها
قعدت جنب الياسمينة
جذابة ياشجرة زينة
وفرحت ياما بلقاكى
أتارينى دايب ف هواكى
خدتينى جوة التوب الأخضر
قلتى لى حأحلى وأتنضر
سقيتينى من مرك علقم
والسقم فى صار اسقم
أتاريكى بالزوقة المنظر
والقلب متدارى ف مظهر
خداعة ومغشوش دمك
يموت حبييك ولا همك
شاربين دوانا من سمك
دا العمر حسبة ومقدر
***
الدنيا برد .. الدنيا برد
عم ربيع بيسقى الورد
حمرا الورد وعجبانى
نفسى أزرعها ف أحضاني
أسقيها خمرة من دمى
وضفيرة تطلع من كمى
أرسمها كيف ستى وأمى
تخط الفرحة من همى
وتنطقها قصاري الفل
بالبدر اللي منها يطل
جميلة يا ست الكل
محلا الحمرة فى خدك
لانا لونك ولا ف قدك
تتوه ارقامى من عدك
باردة عيونى مين قدك
ضمينى جوه الحس حرير
خلينى فيكى تملى أسير
دانا عمرى ماكنتش أطير
غير م الفرحة بوجودك
دانا نايك .. وأنا عودك
وانا الراقص علي المزامير
عدودة أزلية
——-
شارى وحبوب
وقليب بيدوب
عشاق الناس
أبو رنة نحاس
خدام الأرض
الطول والعرض
متعبعب خير
ماهو زى الطير
غاويان تصاديح
أبو وش مليح
نقار في حديد
وف قيح وصديد
لا ف عمره اهتم
ولا تاه م الهم
حالف ما يتوب
من صبر أيوب
يدفع ملايين
فل ويسامين
تزرع فدادين
أحلام بساتين
تطرح مسامير
وكلاب طوابير
***
تاجر ف الماس
وحياة الناس
سقاى الهم
متبغدد دم
ماشي بوشين
عايش بقلبين
لا يهمه أنين
ولاجايبه حنين
ماسك ف طوق
ويبص لفوق
يدوس ع الخير
وقلوب الطير
وف مكره حسيس
واطى وخسيس
بيطفى الشمس
عن بكرة وأمس
ويعلى قصور
سراق النور
يحقد ع الكون
فاض ومسكون
طمعان بجد
بلا سور ولا حد
الى العم عطية حسن
————
ريح ياجسد فى الترب همك
الدنيا غدارة .. والترب لمك
ماعدش شقى ..
ماعدش بكا ..
ولا عدش تاني يتقدح دمك
طب خدت إيه إلا الوجع ؟
طول الكفاح ليك ماشفع
م اللى انغرس فيه البدن
طحن الزمن فيك وعجن
حزمة ألم .. حزمة وجع
والقلب طيب .. واتوجع
سافر وباع دنيا البدع
ريح ياجسد فى الترب همك
ريح ياشيخ ولا يهمك
***
عاشق قلم ولهان
وهو ما بيعشقش
ورفعته عالي ما هان
وهو حاشك حش
اتارى الحبر من دمك
وياريته مابيكتبش
شايل هموم الناس
وياعينى مليان هم
تضحك ف وش الكون
والحزن جوه الدم
ومهما الزمن حيفوت
ياعطية انت العم
ريح ياجسد في النعيم
ريح ولا يهمك
كلمات متقاطعة
————
على مدد الشوف*
ممكن تقول أيه خصخصة
يادماغ تخينة معصعصة
يعنى بلاد بتنسرق
ولا لصوص .. ولا عصا
ممكن نقول أيه خصخصة
***
طب يعني أيه كلمة عرب
يعنى .. شعوب بتنضرب
ولا ديول ولا هرب
طب يعنى أيه كلمة عرب
***
حاملة الحمول محملة
بلاويها شايلة متلتلة
لصوصها آخر رتعنة
والناس حالتها منيلة
حاملة الحمول محملة
***
وواونا زينة ف الوزير
شيلها جرب تلقى زير
حرف ساقط جوه بير
حدوته ولا الفوزير
واونا زينة ف الوزير
***
حولية حدقة باللمون
مترشقة شطة وكمون
من مطابخ حاج فولى
اللى اسموه ديدبون
حولية حدقة باللمون
***
نازل لسابع أرض *
***
فاتح صدره لأى كلام
يشبة سوبر بلية تمام
خمسة فى ستة تيجى سبعين
مش محتاجة لأى علام
فاتح صدره لأى كلام
***
تحت الحيطة دوشة وزيطة
كومة نمل ونص سميطة
عربى الدولى وعربى البيتى
كل ما نفتح نلقى خريطة
تحت الحيطة دوشة وزيطة
***
حدش شاف الأنور وجدى
اللى ف رسمه أمس وغدى
واللى وجوده أصلا عندى
أكبر علة فى نكدى وهدى
حدش شاف الأنور وجدى
***
شوفتوا التعلب لما فات
أخد البطة بالسلامات
راح يغريها برقة طبعه
بس تدله على البطات
شوفتوا التعلب لما فات
***
ولا سمعتوا عن المتاعيس
اللى سعر المية رخيص
واللى اتباعوا هبة وجملة
للمرتزقة والجواسيس
ولا سمعتوا عن المتاعيس
جوابات
——-
شدد .. قرط
أوعى تفرط
كسر قيدك
تسلم إيدك
انت السيد
حدش سيدك
عمر العبد
ماينجب سادة
***
مرعوب شارد
متهاب وارد
دمك حامى
ليه صار بارد
مصرى بصوتك
راح فين سوطك
يزرع قوة
يجنى سيادة
***
لو محتار
تبقى حمار
ألف طريق
بس أنت اختار
ليه تتنبل
تعمل تنبل
تفطر خوف
تتغدى بلادة
***
شوف فين بالك
راح كيف مالك
مقطوع حيلك
قطعان حالك
دافع .. قاوم
أوعى تساوم
أزرع فاخر
تجنى ريادة
***
أنت النيل
يعنى أصيل
بس جبان
خواف وعليل
ليه تنداس
تبقى مداس
وتكون ميرى
تنزل عادة
***
افرض اسمك
فى كتاب خصمك
خلى حياتك
خطك رسمك
تبقاش تابع
ما انتاش نابع
من مجهول
ولاحاجة زيادة
على هامش اجتماع
حزب الحكومة
————
(1)
انتشار .. انكشار
ف الأزقة .. والحوارى
والمفارق .. والمطار
***
المعارضة المفترية
تحكى عن سوء النظام
عن وساطة ومحسوبية
عن بلاوى ..بالسخام
عن جحيم الشعب عايش
عن قصور وريش نعام
عن قليل بيشكى تخمة
عن كتير يموت جعان
يعنى اية : ذمتنا ماطة
عاوزة ربطة بالتمام
المعارضة عاوزة تقبض
قرش ينفع ف الزحام
لو رضينا احنا ندفع
نبقى برضو موش تمام
يكتبوا .. حدش بيقرا
ولا يفهم الكلام
(2)
انتشار .. انكشار
ف الأزقة .. والحوارى
والمفارق .. والمطار
***
البلد ناقصها ضبطة
حبة مية .. حبة نار
اقبضوا ع الشحاتين
سيسوا حتى الحمار
انت ايه؟! انت ليه؟!
أنت مسلم او يسار
البلد محتاجة خبرا
ف العياقة والخيار
موش مناهج ناصرية
موش مشايخ بالخمار
(3)
انتشار .. انكشار
ف الأزقة .. والحوارى
والمفارق .. والمطار
***
الاشاعة الشعب جايع
رغم انه فيش سعار
هو – طبعا – كيلنا طافح
بالعدد احنا كتار
إلا انه الخير زيادة
فضل خطوات الكبار
والحكيم قالها :نرشد
وجبتين وبلاش فطار
واللحوم بلاها منها
والقهاوى والسيجار
دا العبادة ف الزهادة
موش نبلبع ليل نهار
(4)
انتشار .. انكشار
ف الأزقة .. والحوارى
والمفارق. والمطار
***
ارضنا كانت امانة
فيه امانة ..وفيش امين
استفادوا من ترابها
واحنا ليها محتاجين
لما قلنا خلاص يفلسع
طمعوا فيه .. الفلاحين
احصدوا زهر المزارع
ع اللى حاصد واللى زارع
طلعوه ارهابي ضالع
اللى مارضيش بالقرار
(5)
انتشار .. انكشار
ف الأزقة .. والحوارى
والمفارق .. والمطار
***
الولاد سبوا اليهود
والحكومة والسلام
بالتظاهر ف المظاهر
والاونطة ف الكلام
قالوا نه القط ياسر
باع كوفيته واللتام
راح بنفسه للأسودة
هشكوه بجوز حمام
ختموه .. لهم الفراخى
والقضية والزمام
(6)
انتشار .. انكشار
ف الأزقة .. والحوارى
والمفارق .. والمطار
***
ياكتاكت ف الحضانة
فيش حلال ولا حرام
احنا شغلتنا السياسة
وانتو سلوتكو العلام
لاجل ما أنتو تنامو بدرى
ونبقى موش عارفين ننام
واسمعوا قولة تفكر
طرف يبنج ف العضام
ان عصيتوا الحكم جاهز
بالعراوى والكمام
وان رضيتوا السعد جيتوا
لامؤاخذة واليمام
يا مصر…
——–
يا مصر اصحى بقى
وارفعى راسك
رميانا فوق الرفوف
هو احنا موش ناسك
غطا الكبار دولارات
وغطانا ف مداسك
لو قلتى آه في يوم
مين غيرنا حراسك
ولو صرتى لينا صلاه
فين زينا ناسك
***
يامصر اصحى بقى
وحضرى كاسك
اسقى عليل حيران
بالجمر ماسك
ضمته سبع احزان
وخانه احساسك
همه يعيش مستور
وهو ده .. ماسك
***
يا مصر اصحى بقى
وهاتى كراسك
اشهدى بالحق
وقيدى نبراسك
قرى باللى دستيهم
وقولى مين داسك
وسقت عليك النبى
ماتفرطى ف ناسك
المواطن مصرى
———-
(1)
هدد .. عدد
ادفع .. سدد
فيزا ضريبة
مع السجان
***
اجمع .. اطرح
حاجة بتطرح
ذل عتاقى
وطن متهان
***
حاصد قاصد
الله الباسط
حال ع القد
البطن جعان
***
اضرب بورصة
جبانة وعرصة
شوف المصرى
سعره بكام
***
ناقصه وظيفة
لقمة شريفة
خونة بلدى
بالف لجام
***
تاه فى الشارع
ماش وسارح
عينه مكسور
ومخه شوارع
***
مشروع ناس
او نسناس
طالب العدل
مع الاحساس
***
منتوف ريشه
سودوا عيشه
الجوع قاتله
والكرباج
(2)
حاصد .. قاصد
الله الباسط
حال ع القد
البطن جعان
***
فتح مخك
ابقى عميل
انهي خلاص
شغل المخاليل
اضرب بلية
فى التهاليل
تبقى وزير
أو حتى مدير
***
وصفه بسيطة
ف المقادير
افشر حبة
العترة تسير
ركب وش
بقه كبير
ارطن .. برطم
تبقى خبير
***
قول ع الكوسة
نبت خيار
اوعى ف مرة
تبقى حمار
تركب مخ
أو حتى ضمير
***
قول ع الشعب
أبو الملايين
اتبرشم خالص
الله يعين
وان الاسطى
أبو التفانين
سهران يحسب
ف الداينين
***
قول ع اللحمة
والبروتين
شعب اتزغط
بالفيتامين
قول ع الوطن
اللى بينباع
ان الخير فيه
ولى وضاع
وان الشارى
خوجة حكيم
جاب مليون
حقنة ترميم
قول واوعى
تبطل قول
يمكن ينطق
أبو الهول
(3)
حاصد .. قاصد
الله الباسط
حال ع القد
البطن جعان
***
صالح .. طالح
أصل الاسطى
دايما فالح
مارس . غارس
برضوا الاسطى
هو الفارس
***
خلطة سلطة
جاتهم جلطة
خلوا حرامى
بلدنا الحارس
***
خلب .. هلب
عيشك قلب
اشرب دمى
عشان تتغلب
***
اسرق قوتى
خد نبوتى
خلى حياتى
تشبه موتى
***
لاجل قصورك
تملى بحورك
اضرب نورى
يضرب نورك
***
هدد عدد
ادفع .. مدد
فيزا .. ضربية
مع السجان
ياوطن
——
ياوطن خبرنا لونك
كيف نحبك .. كيف نخونك
والكحيلة اللى ف جفونك
هى زينة ولا لونك
***
ياوطن دوقنا خيرك
دا انت فينا واحنا طيرك
ليه ساقينا السم هارى
وعاطي غيرنا فضل خيرك ؟
***
ياوطن هدم سجونك
ليه حاسبنا من شجونك
ليه يضم الضلمة قلبك ؟
ليه بتدبح ف اللى يصونك ؟
***
ياوطن احنا ولادك
دمنا سايل ببابك
ليه شايلنا من حسابك ؟
فين شهامتك..فين ودادك ؟
***
ياوطن احترنا فيك
ليه بتقسى ع اللى ليك ؟
ليه بتهرب م اللى حبك ؟
واللى فاكره ليه ناسيك ؟
***
ياوطن احنا اللى ليك
وانت بينا واحنا بيك
والدموع اللى فى عيونا
هى شوقنا .. بيناديك
عارف ليه؟
——-
عارف ليه
بحبسوا صوتك
علشان مصر
بلدنا فى دمك
علشان هم
العتمة يضمك
علشان تبعد
ع المساكين
لجل يتوه النور
.. ف الطين
عارف ليه ..
ياولدى خدوك
وانت الواخد
عل الزنازين
علشان دايما
صوتك عالى
لازماً يوطا
مع الواطيين
يعنى اشمعنى
كله بيقبض
وانت الثاير
ع القابضين
وانت الباكى
لوجع الناس
ولاش يعنى
ورثت لوحدك
دم العزة
والاحساس
عارف ليه ..
ياولدى خدوك ؟
ليه ما تبعش
زى ما باعوا .
طيب ليه ..
ماتحطش واطى ؟
ياما كتير ..
امثالك ضاعوا .
طيب دارى
وراسك طاطى .
يعنى لوحدك .
وطنى ياخى .
ولا النيل ..
سقاك م المى .
طيب شوف ..
الضلمة هناك .
ف الزنزانة ..
مش حاتشوف
النيل والضى
الا الظلم ..بيستناك .
عارف ليه ..
ياولدى خدوك ؟
والله يا ولدى ..
ما عارف حاجة !!
لساك فاكر ..
لساك فاكر
ان بيعة الأمة ..
خيانة
ولاك فاكر
ان قولة الحق ..
أمانة .
تبقى ياولدى
دقة قديمة
كل افكارك
ماليهاش قيمة
جرب مرة
واحدة تشخبط
أمسك ورقة.
اكتب .. لخبط
يعنى لازما
تكتب جد .
احنا ف زمن
الوقت الضايع .
اللى يحب
الولد الصايع.
اللى بيشرب ..
دم الخلق
واللى ضميره ..
مسلوق سلق
واللى يفبرك ..
ف الاخبار .
واللي بيلبس ..
قمصان عار
واللى بيحرق
أى كرامة
حرق النار .
بس أقولك :
صوتك راجع ..
فى الجرانين .
حلم أنا شفته
وقلت .. آمين
انك طالع ..
زى الفارس .
ومعاك قلمك
هوالحارس
وانك جيت ..
هنا ف الجرنان
لساك وطنى
زى زمان
أهلا وسهلا يا ألم
———–
أهلا وسهلا يا ألم
أوراقنا خلصت شخبطة
والحبر منقوع بالأنين
من دم روح متمرطة
***
فارد جوانحك يا ألم
وأعصابنا ليك متهيئة
القلب ساقط ف الضلوع
واضلاعنا غور .. متفرقة
***
من طول مجيك عندنا
خلاص .. تعودنا عليك
لو غبت عنا جمعتين
يمكن نروح نسأل عليك !
***
أهلا وسهلا يا ألم
انهد فينا الحيل
نسينا لون النور
من كتر مشى الليل
***
أهلا يا ساكن وسطنا
تعالى خد لك قبلتين
اعصر حياتنا وجسمنا
يمكن تلاقى .. دمعتين
***
يمكن تلاقى فرحة جاية
لسه هاربة م الزمن
أو تلاقى بكوة رايحة
لسه ما قبضت تمن
***
أهلا وسهلا يا ألم
فى العب شايل أيه
ما باقى شئ ينقال
إلا وقلنا عليه
***
فنن تفانينك .. بكا
ماعادش يفرق نوح
إن كان أمل ولا ندم
إن كان فراق ولا لقا
***
معايا كوم شهادات
والبخت ليه ضايع
مع انى مش هلفوت
ولا حتى أنا صايع
***
أهلا وسهل يا ألم
العمر فى التلاتين
ما شفنا يوم بيمر
إلا بلحن حزين
***
شربنا كاس المر
وحدة وتغريبة
ولا فيها حاجة تسر
غير قاسية وغريبة
***
واحد .. لكنى اتنين
الحسرة فى الطيبة
منفى بقى لى سينن
ف اللهفة لحبيبة
***
أهلا وسهلا يا ألم
الحيرة وخدانى
عايش كان العدم
مسروق فى وجدانى
***
سؤال وردى عليه
ع العلة فى وجودى
يعنى بتفرق أيه
حياتى عن موتى ؟
***
غير روحى فى الملكوت
صاحية ومرتاحة
لا ألف مرة تموت
من فرقة لواعة
تغريدة قناوية
———
أصيل قناوى
صداح غناوى
تراب بلدنا
عشقان وغاوى
***
قصاص وشاعر
ف الحق واعر
محلاها أحلى
ينبوع مشاعر
***
علامة زارع
بوتشتى بارع
عصفور وطاير
للشمس طالع
***
فرشوطى قاضى
مبسوط وراضى
جلاب ياسكر
يا أحلى ماضى
***
حمادى شادى
وديع وهادى
غارس جمايله
على أى وادى
***
ياولد دشنا
يابوى واحشنا
والله راجل
ساكن ف ريحنا
***
قنا الرزينة
أنوار وزينة
عيشى فرحة
تبقيش حزينة
***
واسمر سمارة
فارس جسارة
علقنا صورته
على كل حارة
***
ياخال أنا من قفط
حامى تمام كالنفط
ضاحك ودمى خفيف
وما احبش التخاريف
***
نقادى خطارى
النور سكن جارى
عشش نبت اخلاص
ف قلبى وف دارى
***
واقصر بلاد تاريخ
يامدوبة التواريخ
ومتحمية بالشمس
ويامسمعة المريخ
***
بتصنعه جراجوس
بالخزف والبوص
قلت الجدع من فين
قال الجدع من قوص
***
يا ناس دى عزيزة
وحلوة ولذيذة
كفاية ارمنتى
وليا مية ميزة
***
ياعم يا أسناوى
فيك ليه أنا هاوى
ماتقوللى انت ايه
عالم ولا حاوى
حاوى مدد
——-
حاوى مدد .. حاوى مدد
احنا الأساتذة ياولد
ضالعين قوى فى المهلسة
وف كل أمور الدهلسة
وقليلنا حبة هندسة
يبقى الزيادة ف العدد
***
حاوى مدد ..حاوى مدد
احنا الأبالسة ف الشدد
أحلامنا لازم تنقضى
حتى الورق رح يتمضى
رافض سواء أو رضى
الشعب اللى فى البلد
***
حاوى مدد .. حاوى مدد
النصرة من حق الجلد
والفرخة رح تولد جمل
والقردة تتجور حمل
حتى الجروح رح تندمل
سيدنا واصل فى المدد
***
حاوى مدد .. حاوى مدد
اللعبة باقية للأبد
الكل يبرز بالنقوط
لجل ما نخط الخطوط
بالسلام مافيهاش ضغوط
بعده يتشبث وتد
***
حاوى مدد .. حاوى مدد
الأسطى بالمجد انفرد
عصر الوصاية غار جبر
وبالأونطة يصير خبر
الله يخلى الى عبر
ومد ايده بالمدد
***
حاوى مدد .. حاوى مدد
احنا الأبالسة يا ولد
اللجنة تولع تبقى نار
ولع بخور جنب البخار
الأسطى عدى الاختبار
ادعى لسيدى أبو المدد
***
حاوى مدد .. حاوى مدد
الحب ميت واتولد
شكرا يا سيدى يا محترم
يا أبو سر باتع ف الكرم
أنا جيبى قشفر وانخرم
وأنا اللى قلبى فى البلد
يا بلد
——
كل كرسى عليه حرامى
والحرامى عليه خفير
لجل يحرس حق سيده
والقيادة والوزير
والبلد صارت نهيبة
والفساد حالته رهيبة
واللى كان قيمة وهيبة
صار يدوسه ابن الامير
***
يابلد فطسانة خالص
ليه قانون فض المجالس ؟
فرد كانز .. الف كانس
والكبير ياكل الصغير
صرتى نانسى وصرتى روبى
والخراب أصبح وجوبى
واللسان يرطن خواجة
والصفير بدل النفير
***
يابلد منهوبة مالك
كنتى جنة أيه جرالك
الخراب حط فى رحالك
وانقتل فيكى الضمير
ليه قتلتى الحق بدرى
والسما ضلمة فى فجرى
والخطير أصبح هيافة
وأى هايف صار خطير
***
روشنوكى وأمركوكى
والبعاد رح يشنقوكى
وبالفضايح يفضحوكى
ويحفرولك ألف بير
صرتى غولة وكنتى زينة
صرتى سجن .. مش جنينة
صرتى خداعة ومشينة
واقترب سوء المصير
هبل
——–
أعلو هبل .. أعلو هبل
يارصيد عمالة بالهبل
ياهم كابت ع القلوب
ياحزن مدهون بالعسل
رقاص بتردح ف الخرب
ياعار مايعرفش الخجل
والحب ليك وهم وسراب
إلا بجنان أو من هبل
أعلو هبل .. أعلو هبل
يارصيد عمالة بالهبل
آمنا بيك انك فريد
حاوى تدين كل الملل
آمنا بيك فال الغراب
رمز الخيانة والذلل
بياع يبيع سعر الترب
نيلة مهبب بالهباب
مهووس مخبل بالخبل
كل الفقارى بيلعنوك
جايع ومحروم العمل
كل اللى ضاعوا ف الطريق
كل اللى مات فيه الأمل
دق البيبان
——–
دق البيبان ..
أنشر تباشير الأمل
ع النواصى والحيطان
ع اليتامى .. الحزنانين
ع الغلابة .. الشقيانين
اللى لو ماتوا ف بلدنا ..
يبقى ماتوا .. مقتولين
لما جاعوا .. لما خافوا ..
لما شالوا هموم ..تقال
لما سهروا سنين .. طوال
لما تعبوا م الحساب
لما سيف العدل .. غاب
***
دق البيبان
الكوارث جات علينا ..
لما بعنا .
لما متنا وانتحر جوانا ..
((إحنا)) .
لما صدقنا السراب
وانسرق فينا الشباب
وانطلق فينا الاجانب
كل حدب . وكل جانب
لما قدسنا السلامة ..
واندهسنا
***
دق البيبان
مهما قالوا انه رايح ..
بكرة جاى .
ينفجر عدل المحبة ..
بين شفاى .
ينكسر غبن الديابة
تترفع عنا النيابة
ينتصر صوت الحيارى
ينفتح باب المغارة
تطلع الشمس الابية ..
فوق صباى
***
دق البيبان
مهما تبقى الضلمة حالكة
قول مصير النور .. يبان
تبقى كل دروبنا سالكة
للحقيقة .. والعيان
مهما كان العزم خامد
مهما كان اليأس جامد
شعلة طافية .. بكرة تولع
تملا كل الكون .. أمان
الطاغوت
———–
الطاغوت فارد جوانحه ع البلد
حالف ليدبح أى حد يكون ولد
فى الضهر ورانا النجوم
وتملى شيلنا الهموم
وحلمنا ياما يجى يوم
باينله مات .. لما إتولد !!
وبلدنا صارت سوق خميس
المصرى فيه بخس ورخيص
طفحان فى عيشته الويل
والظلم زاد ع الكيل
ومكانه أخر الديل
لأى نطع خسيس !!
وبلدنا يا حضرات
أم أقدم الحضارات
بقيت مفيش لها لون
ولا يد مادة العون
إلا بنى صهيون ..
ودى أسخف السخافات !!
***
الطاغوت اعجوبة الفوازير
حيدلع الشقيان..ويصبصب القوارير
والكل يبات شبعان
لا جايع أو عطلان
بقراءة فى الفنجان
وطبيعى .. بالتزوير !!
وعجيبة يابلدنا يا أم العجب
تعزى الصفيح وتسبى الدهب
وجيوش الطغاة
بيحاكموا القضاة
على رفع الجباه
وعلى حسن الادب
والمصرى اللى كان جدع
اللى للذوق ابتدع
متصاب فى روحه ومبتلى
والشر حاطه .. والبلا
وطق ضهره . واتحنى
يعنى من تقل الوجع !!
***
الطاغوت جاثم والكرسى شكا
من شيل رزايا الامركة
والوريث جاى بالبارود
حالف ليمسكها اليهود
والسيرك مليان بالقرود
ضالعين تمام ف الفبركة
وافرحى يا ام البلاد
التنمية طرحت فساد
واللصوص وياالكلاب
خصخصوا حتى التراب
واشترى انتى السراب
واشفطى دم الولاد
وامسحى دمعك يا امى
خلى منديلك فى كمى
أصل خوفنا هو خوفك
حتى زادنا يبنى جوفك
بس حلمى يوم أشوفك
إن همك هو همى
المجد للطراطير
——————
المجد للطراطير
والعزة للنسوان .
اعمل عبيط يااخى
دا الكلمة فيها لومان
اتكلم ع القطايف ..
والعيشة يعنى لايف
صحى ومفيد ياخى
م الحكمة تبقى هايف .
طب حتى م الكياس
فى البعد ع السياسة
ولو سألوك عليها
ممكن تقول نجاسة
***
خلى القضية بوسى
ووراها حب لوسى
وحط ريم وداليا
فى التلاجة نوسى
وضرورى تبقى چان
سوبر مش دايتى مان
بتعاصر أى موضة
عملوها الأمريكان
واتعلم ف البطاطا
ياتبقى ع البلاطة
مطبوخة دى القضية
بكوسة وحبهان
***
اكتب ع الكلبة لاسى
وغرام الكلب جاسى
وعوايد القطة سوسو
فى طرقعة اللبان
وحكاية البت روبى
مع ابن الحاج بوبى
واسرار السهرا حمرا
بين شادى وايفان
والمجد للطراطير ..
والعزة للنسوان .
إعمل عبيط ياخى
دا الكلمة فيها لومان .
مسخرة
———-
مسخرة
احنا بقينا مسخرة
وكرامة شبعت بعترة
ساكنين كهوف الخوف
والمر حارق الجوف
وقطيعة ياما نشوف
تجار كلام وبزنسة
كنسوا الجيوب بمكنسة
الاسطوات الابهة
آخر فخامة ومنجهة
راكبين سياسة سرجها
بايعين ترابها وعرضها
وأموالها هربت م البنوك
إيشى للسباع ..إيشى للديوك
قال يعنى أيه غزوة تبوك
مسخرة ……
لما فينا الظلم داس
انشوى ف القطر ناس
تايهين ألوف مألفة
مكتوب شقاهم ف الخفا
واولاد بلدنا اتعنسوا
ضاعت سنينهم .. واتنسوا
والعيشة بقيت ولعة نار
مافيهاش براح .. حتى الغبار
السمحة أصلو مغمضة
خلوها فاضية منفضة
من دون اساس ولا غطا
مسخرة ……
دا احنا ياعين حنعيش
لو فيه رغيف .. ولا فيش
خايفين عسس .. خفافيش
حرامى ولا شاويش
والحكمة ليك يارب
خلقتنا الحرافيش
ملعونة الدبلوماسية
————————
ملعونة الدبلوماسية
وحكاية ضبط النفس
نصر الله مية المية
حيانى مش بالهمس
ولا صنف نظم عربية
معمولة لشغل الهلس
***
حزب الله البطل الصامد
مستبسل فى لبنان
والحكم العربى الخامد
متهرب م الميدان
اشهد يا تاريخنا الماجد
سجل عصر النسوان
***
ملعون الجيش العربى
لو خان العيش والملح
حزب الله البطل الوطنى
محتاج لبارود مش قمح
ولا انت تخصص مدنى
وشطارتك فينا الدبح
***
كدا برضو يا بن الكعبة
تتآمر على الاسلام
تبقى بلياتشو القعدة
وتمثل لينا افلام
بشمالك تورد سبحة
والتانية تساعد (( سام ))
***
وإش قول البهلوانات
نصر الله جاب النصر
ونضال الميكروفونات
تسلية لأهل القصر
اللى خلعوا البوريهات
واستحلوا عصرنا عصر
المعارضة اللبنانية
———————
المعارضة اللبنانية
صوت أصيل
للعروبة والمقاومة
وبدليل :
الأعادى بيعادوها
والديول
من واشنطون حتى لندن
أو سيول
والمليك المنبطح
صوته ارتفع
اللى أبدا – مرة واحدة
ما نفع
حقاش خراب
حقاش شراب
حقاش ارادة امريكية
تتصنع
المعارضة اللبنانية
صوت جميل
موش فؤاد ولا جنبلاط
ولا جعجع ولآ شخلع
ولا معول امريكانى
جاى يقلع
المعارضة اللبنانية
هى مصر
هى بغداد الحزينة
وام قصر
هى كل شعب عربى
فى أى عصر
بعد التحية
————-
إحنا الأحلام المجروحة
إحنا الأسرار المفضوحة
إحنا تراتيل العبودية
فى عصر الدنيا المفتوحة
احنا الشعوبية المقهورة
فى بلاد الله المعصورة
إحنا القولات المكتومة
ف الأصل حتى والصورة
دايسانا ياما البولوتيكا
والدبحة أفرنجى بمزيكا
والجانى نال التبريكا
من طوكيو حتى لأمريكا
وبلادى برتبة مأمورة
فى الطاعة نجيبة وأمورة
لو جينا وقلنا الحرية
رح تعصى وتهرب مذعورة
لو حنقول ..
————–
لما الضلمة علينا تطول
لما نخاف نصد الغول
يبقى حنقى عبيد علطول
***
لو ف الرعب نقوم ونمسى
لو بالجهل نظرنا يغشى
يبقى لا نعرض ولا حنطول
***
لو حنقول عايزين حرية
وإن أمريكا علينا وصية
بعنا بلدنا ومش حنول
***
أو حنقول بلادنا جعانة
أو للدم أمريكا عطشانة
يبقى حنعدم حتى الفول
***
لما شعوبنا بتكون حرة
تمحى أثار النكسة المرة
رح تتحرر مش حتزول
***
ولا رح تخضع ولا بتسلم
من إصرارها الغازى يبلم
مش حتهادن لندن وسول
***
وبإرادتنا الصلبة الميرى
ترجع أرضى ويعود خيرى
فيها ياقاتل أو مقتول
***
بالتأكيد أمريكا مدانة
شهدت كل الدنيا معانا
بوش إرهابى وماهوش صول
***
أحنا تملى يا بلدى حزانى
شدى أعدائك ع الزنزانة
لا إمبريالى ولا عزول
***
قولى تعبنا ركوع ومساومة
هزى الأرض فداء ومقاومة
م الفاو نبدأ للاناضول
***
واللى شواكى نار وحصار
موجود عندك .. خدى بالتار
أصل نضالك شئ مكفول
***
ولا تتأنى .. ولا تستنى
ما تسيبى خصمك يوم متهنى
ولا يغريكى كلام معسول
القمح المر
————-
ياقمح أمريكا المر
يانبت اليأس العربى
أبلغ بوش الجزار
عن قبح أمريكا الأبدى
عن يانكى يهوى العار
وبقايا العصر الهمجى
والصانع كل دمار
م الأرض حتى القمر
فالعربى لن ينهار
والمجد مكتوب قدرى
***
ياقمح أمريكا المر
يا سفير الجن السامى
يامظلة الاستعباد
لشعوب الجنس السامى
ارجع بلد القواد
أخبرهم عنى عصامى
والحر يموت بالجوع
ولا يمسح جوخ للوالى
ولا يمضغ خبز الخوجة
مجانا حيكون غالى
***
ياقمح أمريكا المر
وحياة الجرح الدامى
فى القدس أو بغداد
وشعوب الكون النامى
لاعمل م الدم مداد
يسطر للأرض غرامى
بقنابل الاستشهاد
وبسيف الحق الحامى
وتعيش الأرض حداد
فى البصرة زى ميامى
***
ياقمح أمريكا المر
يا علامة الذل الرسمى
ياعجينة الاستعمار
بالدم العربى المهرى
خبر راعى الابقار
عن رفض شعوبنا الفورى
لسياسة الاستحمار
وسياسة الهبش الدولى
والشاهدكام مليار
توقيع الجيل الثورى
نفس الحكاية
—————
هى حكاية ملخبطة
نفس الشقا والمرمطة
بيروت دمشق بتتفرم
والخطة واضحة مشبطة
نفس الحكاية يابلد
نفس الضحية اللى انجلد
نفس التخاذل ياعرب
نفس اللى شايل معبطة
أمريكا هاوية الشخبطة
تبنى بلاد .. وتزيل بلاد
وبإيدها معنى المقرطة
افتح جميع الأنشطة
يابو حبل دايب شعبطة
وارسم على وش السلام
أمريكا ناوية الشحططة
المشخصاتى
—————-
هلفوت هيافة بعباطة
بياع تسالى وبطاطا
مشخصاتى الكوتو موتو
المنسى عادل وعطيتو
سفير نوايا البهلوانات
بتاع يامامى وآه يابنات
إكمنو مالى الجيب بنزين
م الخوجة شيخنا الرمة متين
قال يعنى أيه ناقصين تلاقيح
صاحبنا برطع فى التصاريح
***
قدام أجانب ومراسلين
قال باينله سكران طين
صدام يمثل دور كومبارس
ف الفرقة اللى صاحبها العرص
بغداد لا راحت ولا إن جات
الديمقراطية لازمها حاجات
قال وبرطع يسلم فوه
آه يازمن النيلة .. إتفو
***
بالإذن بالع جوه سؤال
قبضت شيكل ولا ريال
والنخوة رطلها يوصل كام
ياعميل مباحث كله تمام
وسلقت فى المخ كبابى
خليتنى مجرم وارهابى
هلفوت هيافة بعباطة
بياع سياسة وبطاطا
يوم العيد
————
يا برتقال أخضر وجديد
امتى الوقفة وامتى العيد
أحلم بعالم كله سعيد
مفيهوش العبد ولا السيد
يابرتقال أخضر وجديد
امتى الفرحة تعم البر
امتى يزول من قلبى الشر
امتى يعود لى الأقصى حر
يابرتقال أخضر وجديد
الحلم العربى لسة شريد
وكل يوم المحنة تزيد
وأنا مستنى يوم العيد
معرفش ليه
—————
معرفش ليه ياشرم الشيخ
اسمك فى قلبى تقيل
وباحس إنك مش توبى
ولا شاربه مى النيل
يمكن تكونى البياعة
مع أنو كنتى الملتاعة
لحضن مصرى أصيل
ولا عشان شايلة فى عبك
خواجات تخونك ماتحبك
ولصوص نهارها الليل
معرفش ليه ياشرم الشيخ
اسمك فى قلبى تقيل
***
معرفش ليه ياعرب
بتموتوا فى الأغراب
وتخافوا كلمة أدب
وتحبوا نعق غراب
معرفش ليه بنموت
وأرواحنا مش طالعة
وكل يوم بطاغوت
وكل يوم والعة
معرفش لية غايبين
والكون بحالة حضور
على عرضنا المغصوب
م الخوجة والطرطور
يا أمة فيها العجب
والضلمة ويا النور
معرفش ليه ياعرب
بتموتوا فى الاغراب
طلع البوش علينا
——————
طلعَ البوش علينا
من نفايات الرعاع
وجبَ الموت علينا
ما دعى للشر داع
أيها الأمريكي فينا
جئت بالسم الجراع
جئت دمرت المدينة
خاسئاً يا شر داع
***
طلع البوش علينا
فنعق في الدنيا بوم
وتهاوى كل حسن
وإكتسى الصحو الغيوم
وتراجعت المشاعر
وتضخمت الهموم
تالله مولدك يا بوش
إن هو ريح مسموم
***
أمسى للثأر مزاجا
صار للقتل احتفال
حتى سحق الأكرمينا
صار من يسر النوال
وتخضب بالدماء
كل حسن أو كمال
كل فجر طل يحبو
لاحقه سوء المآل
***
طلع البوش علينا
فإختفى وجه الجمال
وإندثر صوت الحقيقة
وإرتفع صوت النعال
والتباهي بالدناءة
صار من حسن الخصال
وحينما يخطرني إسمه
يوصف بأشرِ فال
مرثية عصر السلام
———————-
قالوا انتهى عصر الغازات
بسلام مربع ف البارات
لصبايا دايرة بالكاسات
لهطة عسل على شرباتات
***
قالوا انفتح عصر انفتاح
مسرح رجال سرك النجاح
انهب قانون 00 أبج مباح
مستخرمة .. وسداح مداح
***
تاهت وغرقت ف الديون
واستكرشت كبشة بطون
والسرقة بقيت ألف لون
ولا فيها باب .. ولا كالون
***
والمصرى بقيت حالته طين
وأحلامه غارت ف الروتين
والظلم طال حتى الجنين
واللى ركع طول السنين
***
ملعونة اصلا دى الحياة
الولد شاب أيام صباه
والعدل جوه العزبة تاه
طوابير عساكر أوجباه
***
والمخ خالص خد غياب
والحكمة صارت للكلاب
جميلة خالص أو هباب
حاجة كدة من غير حساب
***
لما انتهى عصر الغارات
لاجل الوليد هاتوا المغات
ما تقولش راحت ولا جات
متباعة من عصر السادات
قمة عرب
————
قمة عرب .. خبث وجرب
وأبطال كبار فن الهرب
طلقة كلام .. عشق وغرام
ماركة سلاح أبو الخطب
مسرح ظريف .. دمه خفيف
أفلام نقاوة من عجب
***
أسيادنا فخر السلطنة
وجبال خيانة مقطرنة
كراسى زهقت م الوجوه
حاضنة كراسى من خشب
***
نجومنا جيل ماركة حكم
نعم كتيرة أو نقم
مايهمناش شغل القم
شعوب تموت أو تنضرب
***
فى نضالنا آخر بحبحة
خدع عبيطة مزهزهة
بطولات أتارى معنترة
وقلوب بتسقط ف الركوب
***
تفاكيرنا آخر عبقرة
مخاخ غريبة مكعبرة
العقل يرجع من ورا
وشه صفيح يلمع دهب
***
خليجنا باع وللا انغمس
ومحيطنا خرف وانهوس
وتاريخنا جوانا انطمس
بين الخيانة والعسس
***
واليأس عشش فى النفوس
طوابير نفاق طوابير لصوص
والإنتماء بقى للنفوس
أما الوطن .. بسمل ودوس
***
قمة عرب .. خبث وجرب
وأبطال كبار فن الهرب
طلقة كلام .. عشق وغرام
ماركة سلاح أبو الخطب
مسرح طريف .. دمه ظريف
أفلام نقاوة من عجب
لبيك يافلسطين
——————-
(1)
مفدية يافلسطين
بدل الشهيد ملايين
مزروعة بالإصرار
فى عكا وحطين
حتعودى يافلسطين
كاس الزمن دوار
حنعطرك بالدم
ونطهرك بالنار
ف القدس يافلسطين
بكرة التاريخ حيقول
نبت الأمل فى الطين
بطل يقف للغول
(2)
ولدانك يافلسطين
فخر الوطن والدين
بالطلقة أو بالنبلة
يرودا شرف القبلة
يزيلوا عار الأمة
اللى اتنكس بالغمة
يصحى ضمير مكلوم
يفجر المكتوم
يصرخ بعلو الصوت
أبدا ما أخافش الموت
واللى انسرق بالقوة
يرجعه الجبروت
(3)
لبيك يافلسطين
صرخة تشق الليل
تدبح يهود خاينين
تقطع وصال الديل
لبيك يافلسطين
يازرعة دبلانة
دمى بيروى الطين
والوردة عطشانة
محبوسة فى الزنازين
مأسورة متهانة
متباعة بالسلاطين
والسلطة خوانة
بتقلب الموازين
قوية … وجبانة
جوه الكادر
————-
جوه الكادر
منظر فاجر
عربى مآمن
صهيونى غادر
ماشى فى حاله
ولا على باله
انسان مؤمن
عفريت جاله
أب وابنه
مش من جبنه
سلخوا مهابته
فرفوا ابنه
***
خدنى ف خضنك
صرخة من ابنك
عصفور راقد
رمشة جفنك
اشخط فيهم
لا تراضيهم
خد بنادقهم
من اياديهم
أيه عايزين
منين جايين
انتو كلاب
مش أدميين
***
قلتوا ف موتى
تكتموا صوتى
اكبر بكرة
شوفوا جبروتى
كل شهيد
له ألف وليد
هبة نار
من ربى وعيد
واستشهادى
مهر جهادى
اديتوهونى
قبل ميعادى
***
صرخ الأب
لابنه وظب
الله الحارس
للكون رب
حيلى مهدود
للقوة حدود
مقتول قلبى
قتله يهود
نفسى تجود
بألف وجود
عرس الأقصى
لازمه شهود
الخواجات
————
كلب الابن .. وابن الكلب
طالع .. نازل .. قتل وسلب
***
عمال يسخط فى المساخيط
قوة غشيمة فى يد عبيط
***
ساقط .. هابط ف المراحيص
وحشى بطبعه .. وقلبه مريض
***
م الهامبورجر أعلى مقاس
لحمة طبيعى بطعم الناس
***
كل يا خواجة .. كل ياجعان
دا احنا بقينا طيور سمان
***
اضرب برقة على بيروت
ترجم كل صراخنا سكوت
***
وادبح غزة على بغداد
خلى حياتنا تملى حداد
***
ابعت فى الجواسيس للبلادنا
عشان نتفاوض على موتنا
***
طوابير باتلر ومعاه شينى
والخوجة ميتشيل وكمان زينى
***
واكتم بق الحاج عنان
أصله راجل رمة جبان
***
اضرب فينا بيد طاغوت
اضرب برضوا مش حنموت
***
احنا حتى فى موتنا رجال
مهما غرورك صال أو جال
مسحراتى الوطن
———————
اصحى يانايم .. فض نعاسك
لملم حزنك واملا حواسك
الكاوبوى جاى طالب راسك
***
الغول كابس بالسكاكين
بعيون حمرة .. الوش لعين
حالف ذُلك .. دنيا ودين
***
جنب الهندى مصيرك يؤل
جنكيز خان وخلايا مغول
حكموا لوطنك انه يزول
***
امسح جوخ أبو بوس الايد
تبقوا ايماء أو تبقوا عبيد
أى تنازل لم بيفيد
***
اصحى يانايم صحى النوم
بَعَد موتك حتعيش يوم
ارفع هامتك حرة تقوم
***
انفض خوفك من مراسيك
فين حتلاقى حبيب يواسيك
الا ايديك لو كله ناسيك
***
مد الخطوة ودق الباب
خش الغابة وربى نياب
تلقى وحوش الدنيا ذباب
***
انصر نفسك .. اصحى وقوم
حتى ان كان سكسونى غشوم
حلمك نور مكتوب له يدوم
امارة الشر
————–
شوفتو القرد بيعل ايه
لابس خوجة وعامل بيه
رح يتمعلم أو يتملعن
لما مسك السوط فى ايديه
***
كشر نابه .. وبنوابه
جاب جرذانه .. شد أصحابه
يضرب هرم الأمة العالى
لجل يهد الصرح عليه
***
أصل القرد
الخسة فى طبعه
ديل أمريكا .. كَبَر صابعه
ليه تستغرب .. ولا تتفكر
دا الدنيا القلابة .. يابية
***
كل تاريخك أيه غير زيت ؟
حتى أمريكا .. الراعية البيت؟
والدشداشة يجنب الويسكى
والفيجا والسهرة .. الاية !!
***
آه يابلاد الحبل الدايب
جبتوا لقدر الأمة مصايب
انتوا الوكسة .. وانتو النكسة
انتو نزيف النفط الخايب
***
راح تتطاولوا ع الأسياد
اللى شربوا النيل .. أمجاد
اللى ((موسى))المصرى سفيرهم
لوقدركم .. تبقوا جراد
***
انتو الذلة فى أقذر صورة
انتو رموز حكومات مأمورة
بكرة الشعب العربى يدوسكم
تصحى عباد وشعوب مقهورة
المتاهة
———
حد عارف النهاية
ولا عارف الحكاية
الخواجة الأمريكانى
جاى بيرسم دور هداية
***
لجل يشرب دم ناسى
شوه الأرض بمآسى
والحقيقة المرة جاية
يلقى جيشة ده ف مداسى
***
مهما قصفه زاد علينا
والحصار طلع عينينا
كلمة واحدةالشعب قالها
السلاح برضوا ف ايدينا
***
والمقاومة بالعراقى
ضربة حرة وحس راقى
قال هزمتوا جيش نظامى
إلا إن الشعب باقى
***
واللى يرضى بالمهانة
اللى شرع للخيانة
اللى محمى بالخواجة
يبقى فرط ف الامانة
***
الحليف للصهيونية
مجلس الحكم الرزية
العراق مهد الحضارة
مش عصابة حرامية
***
اللى يحكم مين بلدنا
إلا واحد من ولادنا
اللى شال البندقية
ع الخواجة قال جهادنا
***
وانت ياخواجة يافالح
ليه ف بلدنا ليك مصالح
وإش يهمك ف المقارط
حكمى صالح ولا طالح
***
إن ما كنت ترد ساسك
يبقى عقلك جوه رأسك
الشعوب أبدا ما تنسى
إن موتها كان فى كاسك
***
كلمة حنقولها ياخونا
ياللى طلع دين أبونا
احنا حكامنا فى عينينا
وانت رح تاخد الصابونة
جايبة ما بتاخد
—————–
المركب جايبة ما بتاخد
من كل ألوان الطيف حاضر
والمينا واسع وبياخد
والحق تعامى ومش ناضر
والغازى قنابل ومدافع
وقلوبنا من جوه معسكر
بأجسادنا صوارى بندافع
قدام عفاريت الجان الأحمر
طافحين المر ياخلق الله
مابين متجنى ومرابض
والدعم يجينا من الله
حتى لو فينا الكون قابض
والواحد فينا يتجاسر
يعطيه م القوة كيف ميه
والضربة تزول وتتحاصر
حتى لو كانت نووية
صرخة من عراق افغانى
————————–
رفضت قربى
وجريت فى بعدى
زنايا نفطك
تبيد فى شعبى
***
طب ليه ياجدى
تبيع فى ودى
لدمى تدفع
فخران بكدى
***
مهلك يا سيدى
مقطوع وريدى
جروحى تنزف
أكويها بايدى
***
لو جعت جوعى
عشت فى ضلوعى
تلاقى نارك
تحرق شموعى
***
لو دقت مرة
النكسة مرة
مية الف ديل
ولا أمة حرة
***
صاروخ يهودى
ينسف حدودى
يدبح عيالى
يلعن جدودى
***
شرعية غايبة
تملى عايبة
ملعون أبوها
خليعة سايبة
***
دا أنا شفت موتى
توه لى صوتى
ساكن نخيلى
معصور ف توتى
***
أنا شلت بايدى
أشلاء وليدى
مقتول فى قلبى
مدبوح فى عيدى
***
طب ليه يا عمى
ياللى انت دمى
امريكا تنصر
وأصل أمك أمى
البطل
——–
صدام يا صامد
يا أبو قلب جامد
ما تخافش نيتو
ولا حلف خامد
***
أملى السواقى
عزة عراقى
الغنوة عربى
واللحن راقى
***
وحصار يغور
مد الجسور
بغداد عمار
والبصرة نور
***
أكتب شهادة
لحظة ولادة
شموسة طالة
بالنور زيادة
***
والنصرة جاية
بتشيل هدية
وسكدا يرسم
اللوحة ديه
***
صدام جسارة
وأحفاد حضارة
لا عين بترمش
من ألف غارة
***
طيران تجسس
أذناب تعسس
صواريخ يورانيوم
ع النفط حسس
***
هز الكرسى
تنزل مآسى
السحنة جدة
والحشو شاسى
***
والنور حيطلع
فى كل مطلع
كرامة تصحى
بالوحدة تجمع
***
منصور يا ولدى
مشتاق لبلدى
البعث دايما
مزروع ف خلدى
الاسير
——–
قالوا إتأسر صدام
قلت الوطن مأسور
والحبس عرض الشمس
لا فيه أمل ولا نور
خلا البطل يتهان
والندل صار مأمور
والحق يا ولداه
أعزل تمام مبتور
يتأمروا الخواجات
ف بلاد مشاع بلا سور
كانت بلاد أمجاد
ف الضلمة صبحت بور
***
قالوا إتأسر صدام
أنا قلت : آيه يعنى ؟
كل الهامات خدام
والسبع ما بيحنى
لا عمره دق صاجات
ولا زامره بيغنى
ف الحق خاض عركات
لو حتى فيه يفنى
واكحل زمنا ردئ
العدل فيه ممحى
تزرع شهامة وخير
تلقى الجببان يجنى
***
قالوا إتأسر صدام
أنا قلت شفنا كتير
والعبرة ف التواريخ
يبقى الحرامى أمير
يتسجنوا الحراس
واللص يبقى خفير
واحمد عرابى زمان
ف النخوة لينا سفير
عشق الوطن رباه
ما يوطى للخنازير
كملت خانوه الأوغاد
ما استسلم إلا أسير
***
قالوا إتأسر صدام
والخونة باب عالى
حكم الغزاة إعدام
ع كريّم الوالى
وإتغلت الاشباه
واترخص الغالى
يتحكموا الاشرار
ف النفط وف مالى
لكن التاريخ بيقول
النصرة لعيالى
والدنيا دى بدور
واتشقلب أحوالى
بالأمريكانى
————-
قال حرية
ياطنط زهية
غنوة قديمة
ع الغلبان
***
بوش الأرعن
جاى يتفرعن
تربس راسه
ع الطغيان
***
إمبريالى
دم عيالى
شرب الخوجة
منه كيسان
***
يزعم أن
كان وكأنه
رؤية منامه
حقيقة تبان
***
أصل الخوجة
وف دى الهوجة
يسلم بقه
كله إيمان
***
قال ع البصرة
(فينها يا حسرة )
تزرع نووى
بيولوجى كمان
***
وكمان فشرة
تملا النشرة
بغداد بقيت
بيت شيطان
***
وإنى النونو
العبرى اليويو
عندوش نووى
عنده .. لبان
***
قال حرية
ياطنط زهية
غنوة غبية
ع الغلبان
***
بالمزيكا
لجل أمريكا
اللى يكح
حيكون كان
***
والمتحدة …
خلاص منتحرة
إسألوا يعرف
كوفى عنان
***
والشرعية ..
مش طبيعية
شنبات راجل
بالفستان
***
يعنى قدرنا
البوش قدرنا
نسوى يدوب
نعيش (خ .. يان )
***
والمدارى ..
ف جلدى دارى
دمنا عنده
صار قربان
***
واحنا الأمة
لولا الغمة
ممكن تبقى
فى أعلى كيان
***
ربك يستر
يمكن ينتر
كل الخونة
ف أى مكان
ربابيكا
——-
سجل يا تاريخ
وإحكى لجيلك
أرخ تواريخ
فش غليلك
سم وزرنيخ
مية نيلك
كوسة وبطيخ
رح يديلك
***
وأعمل تلافيح
السيرة نتنة
أبو وش قبيح
خاطف بيتنا
واحنا المجاريح
مين ينجدنا
الله موجود
ياخد بإيدنا
***
والدم السايل
.. فى البصرة
والقلب العايل
..ع النصرة
وأرواحنا معاكى
.. المتحاصرة
مدبوح بالذلة
.. وبالحسرة
***
والوالى أصله
.. مش دارى
إكمنو فى النهب
قرارى
غير عنوانى
وخد دارى
خلانى جبان
.. ومتدارى
***
عملاء أمريكا
..يافبريكا
ياجزمة قديمة
.. وربابيكا
عاملين الآبندا
.. وانتيكا
والواحدة منكم
.. كيف سيكا
***
جبتوا استعمارنا
.. بايديكم !!
وصنعتوا بنارنا
.. كراسيكم
ضيعتوا شعوبنا
..يضيعكم
الله يرحمنا
.. وياخدكم
***
وفتحتوا قنال
.. باتفاقية !!
وبلادنا قواعد
.. حربية
وطبختوا المنطق
. ملوخية
خليتوا النكسة
.. وطنية !!
***
لم شفنا منكم
. غير وكسة
بالبلدى خيانة
.. ومشاكسة
ولعبتوا ع الدم
.. منافسة
جبتوا لنا مية مليون
نكسة
***
.. عزتنا ولت
.. وإنزاحت
أشكالكم هلت
.. قوم راحت
عمايلكوا السودا
. ما إنزاعت
زكمت ضمايرنا
.. يوم فاحت
***
.. بكرة الأيام
.. حتوريكم
وبصبر شعوبنا
.. نعديكم
خطوتنا تسبق
. خطاويكم
ما تاريخنا كان
.. مليان بيكم
أغسل عارنا
————–
اغسل عارنا ياصدام
قول ع السيد والخدام
قول مين يستاهل حرية
قول مين يستاهل اعدام
قول ع الخاين بلده ودينه
الطلبانى .. مش صدام
قلّب ف دفاتر عربية
واكشف أهوال الحكام
هتلاقى المجرم والتافة
والحكمة للجهل التام
والاغا يعمل فيها راجل
والراجل فى الحبس العام
***
والله ياصدام
بالروح أنا افديك
والله ياصدام
ايمانى ثابت فيك
علشان أنت البطل
والفادى بالشهيدين
علشان عز الوطن
فضلته ع الابنين
علشان طبع العرب
ف القلب مرسوم زين
والفعل سابق القول
والصدق باين زين
والله يا صدام
ما يملا غيرك عين
***
الاسم ياصدام
جوه التاريخ محفور
خط الجميع بالعار
وأنت فيه بالنور
رغم الضلام فى الكون
رغم الشهادة الزور
وجحافل الأغوات
ومؤلهى المملوك
من شلة الطراطير
والخوجة والصعلوك
ولا هفى الدولارات
ومفكرى الشيطان
اللى خنقوا الكلام
واتفشوا كالسرطان
وبكره جاى .. حيقول
للحق بان .. سلطان
اكتم تمام
————
(1)
اكتم تمام ..
الكلمة صارت .
للحسام ..
الآربجية المحترم ..
فض الكلام
فضفض وسمع ..
كلمته ..
علا المقام
بعد الكرامة ..
ياعرب ..
بعد السلام ..
ياأهل المفاوضة
يا حريم ..
شوفتوا الهمام
شعب الخليفة المعتصم
حالف ما ايده تنكسر
حالف بسيده ينتصر
رغم الغمام
والعزة تصنع ..
بالسلاح ..
مش بالسلام
(2)
شوفتوا الفلوجة ..
الصابرة ..
أم السباع ..
الكاسرة
هزت جيوش ..
الفاجرة
رغم السخام
أدلت حديث ..
بقنبلة
والإيد قوية ..
محملة ..
عن حقى ما أرجع ..
أنملة
واعطى التمام
خاضت حروب .. لوحدها
خطت طريق .. لمجدها
عادت تباهى . لجدها
قصة غرام
والجد فيها المعتصم
للحق ثاير ..
منتقم
زارع عدالة
ومحتكم
طارح وثام
(3)
اكتم تمام
يا اللى بتبيع ..
الكلام
يا اللى شوهت الفضايل ..
ع الدوام .
اسمع نشيد ..
القنبلة
اليانكى جوه ..
المقصلة
فى المسرحية .
المهزلة
لجل السلام
ياأهل المقاومة
للأمام
ياللى كاتمين
الصريخ
يااللى حابسين ..
التاريخ
يااللى صاعدين
المريخ ..
ع الحطام
الغنوة جاية ..
معربنة
والنصرة زافة
الأزمنة
ممدوح فى كل .
الأزمنة
مسك الختام
الشخشيخة
—————-
الشخشخية
لما تشوفه تحسب صح ..
إنو الحكمة ..
ملو جبينه .
وإنو برأى الناس
جايبينه
وإنو عاقد ..
رأيه ودينه
وإنو رئيس بحق وجد
وسط جنود الخوجة ..
وإتمرع .
عبر الشاشة ..
جاى بيصرح
إنو عراق اليوم ..
بيفرح !!
والأمنية قلبت جد
لجل ما يجى الخير ..
ويعم .
حضن أمريكا ..
حنان الأم
ولا عاد عازل .
ولا عاد سد ..
الشخشيخة ..
لما تشوفه حتقول صح ..
وجه بشوش ..
يخر حياء .
لابس الغترة .
أو لا بساه ..
وايده الطاهرة ..
ما اتمدتش .
على أمول الشعب ..
الكبش .
وإنو قليبه كله عمار .
قال مش جزمة الاستعمار .
وانو يا عينى
أصله مناضل
يحظى بحب الشعب ..
الفاضل
اللى لسه ..
ما استشهدش !!
الشخشيخة ..
هو صنيع اليانكى ..
الغازى .
حتى اسمه الأول .
غازى .
اللى قايم بدور ..
منديل .
يبقى لوجه الخوجة .
بديل .
لجل ما يحمل ..
بصق الناس
من بغداد
حتى لمكناس .
فينه العيب .
والعربون كاش !
الشخشيخة …
هو موديل
العمدة الآلى .
بس ستريو .
والصوت عالى
من تفانين العبقرى
بوش
منه افرنجى ..
وبالطربوش ..
يعنى لزوم ..
سوق المساخيط
حاجة تفرح ..
أى عبيط .
موجود منه .
30 فار .
شامل كل ضليع ..
فى الكار .
اللى خلعوا توب الأمة
وقوام لبسوا ..
توب العار .
واللى رسالة الشعب ..
إليهم .
مهما الليل ..
حيطول بيهم .
حتما بكرة حيجى ..
نهار .
فى الهجاء
————-
علاوى ياسافل وقمئ
يامجرم خالص وبذئ
ياحاكم بالأجرة بلادى
ياشارب من دم ولادى
دراكولا على جنب سيادتك
رح يطلع صالح وبرئ
***
فيه حد يتاجر فى عروقه
وجراح الأمة تكون سوقه
فيه حد يروح يدبح ناسه
ولا حتى اهتزش احساسه
فيه حد يا علاوى الواطى
يعمل فى المأتم أعراسه
***
أهو إحنا الشعب الإرهابى
وكمان متسطر فى كتابى
مقتول الخاين بلا دية
ولا نرضى بامريكا وصية
رح نرهب الخونة أمثالك
للموت .. نبعتهم سفرية !!
المجد للمقاومة
—————–
المجد للى يقاوم
للى شال السلاح
للى رفض المهانة
واللى اختار الكفاح
المجد فى فلسطين
وف صيدا وفى بغداد
المجد للسايرين
وبخطوة الأجداد
المجد للكاتيوشا
ومعاه الأربچيه
المجد للى قاوم
وخد حقه بايديه
المجد للقنابل
لو تحصد الأمريكان
أو أى ندل سافل
بيركع للشيطان
الهاوى للمساومة
يبغى طوق النجاة
وسمعش ع المقاومة
أول درب الحياة
خانوك
———
خانوك من خانوا الحسين
قتلوك من قتلوا الوطن
يا تاج عزٍ فى الجبين
يجفوك من يهوى العفن
أمضيت عمرك شامخا
وغلوت فى رخص الثمن
حنت الرءوس مخافة
وسموت أنت فى المحن
ما ساءك عرى الجميع
فشرفت فى ستر الكفن
صدام.. نلت الحٌسنوات
وخلدت فى مر الزمن
**
خانوك أزلام الزمان
كالبوم جاءوا ينعبوا
جاءوك من وحى الدعارة
سحقا.. أللدعارة مذهب؟
غدروك .. ظنوا مقتلك
ولموتهم هم أقرب
فكنت للعروبة سبعها
تحمى العرين وتضرب
وصرت مجدا لها باقيا
والخزى يأويهم والغيهب
وثأرك يا شهيد هو موجع
ودمك فينا لن ينضب
**
قتلوك يا رمز الاباء
وهم عبيد وانت السيد
وتكاثروا مثل الجراد
بنار الحقد فتعربدوا
وتحدثوا بالافك عنك
والعف أنت والسؤدد
وانت العدالة.. أنت التقى
ولبوشهم هم يعبدوا
فأين العزة من بعدك ؟
وكيف العيش نترغد؟
وكيف يطيب عبير الحياة
وكيف نهنأ أو نسعد؟
**
تآمروا وتخاذلوا
ويح حكام العرب
فأى نعشٍ قد يسعك
أى لحدٍ.. أو نصب؟
أى ثأر قد يرح
من هول بركان الغضب؟
أين نبحث عن بديل
لو حتى كان من ذهب؟
فعزاءونا فيك الصمود
يا رمز باقٍ لم يغب
صدام ..أنت جميعنا
وجميعنا أنت رغب
